WER 137
Mon ma Lugen, Lumege ma Lukricitayo
-
1. Cara ki Esta, Anna, Ruth ki Maliam—
Gubedo i kin mon mapol ma genne.
Woro Rwot obedo mukwongo botgi.
Mon ma gin lugen ma wangeyo nyinggi.
Mogo gunongo cwak pa Jehovah;
Ci nyinggi pe i buk, kun niye meggi rom.
-
2. Tekcwiny ki ber kit, gen ki mar ki kica—
Magi ducu gubedo kit pa dano,
Kit mabeco ma mon magi gunyuto.
Gubedo lanen maber ma wapwoyo.
Wun lumegiwa ma lubo korgi
Nyut niye matek wek wan wapor lanenwu.
-
3. Mege, anyira, lumege ki mon to,
Wudyere i timo ticwu ki yomcwiny.
Wubed jo mamwol ma luwiny i cwinygi,
Ma pe wulwor pien Lubanga cwakowu.
Dong walego ni Jehovah gwokwu
Wek wucung matek pien motwu cok atika.
(Nen bene Pil. 4:3; 1 Tem. 2:9, 10; 1 Pet. 3:4, 5.)