Mai. Chaw Ngünechen inawmenebi tañi pu inaneketu kutrankülelu. Biblia eipi: “Jewba inawmenebi kutrankülele ngütantu mu” (Salmo 41:3). ¿Chumabüiñ kutranküleliiñ? Peaiñ küla dungu:

1.   Ngillatuabüiñ Chaw Ngünechen taiñ eluaetu newen. Llowliiñ “tüngkülen Chaw Ngünechen mu küpalu” küme duamküleaiñ (Filipenses 4:6, 7). Kidu eluaiñmu newen taiñ amuleal.

2.   Nieal ayüwkülechi piwke. Biblia eipi: “Ayüwkülechi piwke kiñe küme lawen. Weya duamküleliiñ, nielaaiñ newen” (Proverbios 17:22). Ayüwkülelmi kutrankülelmi ume, küme duamküleabüimi.

3.   Doi nieal maneluwün. Nieliiñ maneluwün, ayüwküleabüiñ kutranküleliiñ ume (Romanos 12:12). Biblia eipi, akuai kiñe antü “iñi no ume ʻkutrankülenʼ piwelaai” (Isaías 33:24). Niiñ kiñeke kutran nienolu lawen, beimu kutrankawküleabüiñ. Kabei kusekiiñ ka büchakiiñ, beimu kutrankawküleabüiñ. Welu Chaw Ngünechen apümtoi kom. Biblia eipi: “Tañi cuerpu doi wengetupe tañi wechengen mu. Wiño nietupe newen chumngechi niekebüi wechengelu” (Job 33:25).

 Kimal dungu: Pu dungukelu iñi ngen Jewba maneluwkiiñ Chaw Ngünechen mu, welu ka bemngechi kutranküleliiñ amukiiñ doctor mu (Marcos 2:17). Kake kiñeke pu che ngümintuabüi (dulliabüi) chem doctor mu tañi amol.