QUIMNIELMI ÑI RUPAN QUIÑE FÜTRA HUESA DUNGU, RAMTUHUAFUIMI: “CHAU DIOS, ¿CHUMNGELU (CHEMU) CHUMQUELAI RUME?”. CAM MÜNA CUTRANTUPIUQUELELMI, RAMTUHUAFUIMI: “¿RÜF DUAMNIENEU CHAU NGÜNECHEN?”.

Ngüneduamnge Sheila ñi rupan, Estados Unidos mu mülelu. Quisu ca tañi familia müna religiosangefui. Fei feipi: “Pichicalu iñche quimün Chau Dios taiñ deumaeteu, fei feyentuquen quisu mu. Huelu turpu hueniyequelafuiñ. ‘Ngünechen adquintunacümniepaeneu, huelu alü camapu mu müten’, pifun. Raquiduamquelan Ngünechen tañi üdequeteu, huelu piuqueyequelaeneu troquiquefun”. ¿Chumngelu femngechi duamcülefui Sheila? Quisu feipi: “Hueluque contueyu huesaque dungu tañi pu che, huelu Chau Dios turpu quelluquelaiñmu troquiuquefun”. Quiñeque mu, ¿ca raquiduamqueimi chi?

Sheila reque, eimi ca feyentuqueimi chi Chau Dios mu. Huelu ramtuuqueimi chi: “Ngünechen, ¿rüf duamnieneu ta iñche?”. Cuifi mu mülefui quiñe cüme huentru, Job pingelu. Quisu ca femngechi duamcülefui, maneluuquefulu rume Chau Dios tañi quimün ca tañi nehuen mu (Job 2:3; 9:4). Job raquiduampelai ñi afnoal tañi huesa rupamequen, hueluque contueteu am huesaque dungu, fei ramtufi ta Chau Dios: “¿Chumngelu am ellcaqueimi tami ange, fei caiñe troquien am?” (Job 13:24).

¿Chem quimeltuquei Biblia? Chau Ngünechen, ¿femcünupei mai ñi müleal huesaque dungu Mapu meu? ¿Quimfalngepei mai Chau Dios taiñ duamnieteu caque quiñeque iñchiñ? Eimi ca ramtuhuafuimi: “Ngünechen, ¿duamniepeneu mai? ¿Rüf quimniepei mai tañi rupamequen ca tañi chum duamcülen? ¿Quellupeafeneu tañi huesa rupan mu?”.

Cüpalechi troquiñ meu, ngüneduamaiñ Chau Dios ñi deumael ca chumngechi tüfa pengeli fente taiñ duamnieteu quisu (Romanos 1:20). Cafei ngüneduamaiñ Biblia ñi chem pilen Ngünechen taiñ duamnieteu mu. Fei ngüneduamülmi quisu ñi deuman ca ti Biblia, doi cüme quimaimi fente tami piuqueyenieteu Chau Dios (1 Juan 2:3; 1 Pedro 5:7).