QUIMELTUN 15
¿Inei am ta Jesús?
Jesús rume quimniengei huall Mapu mu. Huelu caquerumengei ñi quimeltungequen Jesús meu. Huelu fentren che müte quimquelai Jesús tañi rupan, tañi üi müten ta quimniei. Fei Biblia, ¿chem quimeltuquei Jesús meu?
1. ¿Inei am ta Jesús?
Famülque mu, Jesús quiñe nehuen-ngechi püllüngei mongelelu huenu meu. Jehová deumafi petu ñi mülenon chem no rume Mapu meu ca huenu meu. Feimu Biblia feipi Jesús fei “tati hunelu ñi deumael Chau Ngünechen” (Colosenses 1:15). Jehová quisu müten deumafi ta Jesús, feimu “quiñen Fotüm” feipingei ta Jesús Biblia mu (Juan 3:16). Fei Jesús quiñeucülen mu cüdahui tañi Chau Jehová engu ñi deumayal itrocom ñi mülen, fei fantepu meu amulei tañi quiñeucülen engu (papeltuaimi Proverbios 8:30). Biblia meu “tati Dungun” cafei pingequei ta Jesús, quisu quimeldungulu cai tañi Chau ñi huercün dungu ca tañi feipin (Juan 1:14).
2. ¿Chumngelu (chemu) am cüpai Jesús Mapu meu?
Rume fütra cuifi meu, Jehová tañi nehuen meu femi quiñe afmatufalchi dungu. Quisu dulli quiñe üllcha domo fütangenolu, María pingelu, fei rulpalelfi Jesús ñi mongen María tañi pütra meu, femngechi Jesús choyüngei, feimu chengerpui (papeltuaimi Lucas 1:34, 35). Jehová dullifi ta Jesús ñi cüpayal Mapu mu femngechi ñi montulafiel tati pu che, feimu Mesías ca Cristo feipingei. a Biblia meu feipicünungei fillque dungu tati Mesías meu, fei com femtripai Jesús meu miyaupalu Mapu mu, femngechi tati pu che quimürpuafui Jesús fei “tati Cristo, mongen Ngünechen tañi Fotüm” (Mateo 16:16).
3. Famülque meu, ¿cheu mülei Jesús?
Lalu Jesús, Jehová huiñomongeltufi fei ca huiño püllüngetui huenu meu. Jehová püramyefi ca elufi fütra autoridad (Filipenses 2:9). Fei feula Jehová müten doicülei ta Jesús meu.
DOI QUIMAIMI
Inaduamaiñ inei am ta Jesús ca quimürpuaiñ chumngelu fente falin-ngei taiñ doi quimafiel.
4. Jesús, ¿trürcülepei mai ta Ngünechen meu?
Biblia feipi Jesús rume fentren nehuen nielu rume, amulecai tañi püramyeniefiel ca feyentuniefiel tañi Chau Jehová, ¿chumngelu feipiafuiñ tüfa? Peaiñ ti VIDEO ca quimürpuaiñ chem quimeltuquei tati Biblia Jesús ñi trürngenon Chau Ngünechen mu.
Papeltuaiñ caque quiñeque troquiñ Biblia ca ngüneduamaiñ fillque ramtun.
Papeltuaiñ Lucas 1:30-32.
-
Ñi feipin mu tüfachi cüme püllü, ¿feipiafuimi Jesús ñi trürngen ta Chau Jehová, “tati Doi Alüpüralelu”?
Papeltuaiñ Mateo 3:16, 17.
-
Fautizaulu Jesús, ¿chem dungun allcüngei?
-
¿Inei mu cüpai feichi dungun?
Papeltuaiñ Juan 14:28.
-
¿Inei am niei doi autoridad? ¿Tati chau cam tati fotüm?
-
Jesús feipifilu “Chau” ta Jehová, ¿chem quimeltueiñmu?
Papeltuaiñ Juan 12:49.
-
Jesús, ¿raquiduamquepei mai ñi trürngen tañi Chau meu? ¿Chem pimi cai?
5. Jesús tati Mesías ürque
Biblia meu feipicünungei fillque dungu tati Mesías meu, femngechi tati pu che quimürpuafui ineingei tati Mesías. Peaiñ ti VIDEO, femngechi quimürpuaiñ quiñeque dungu ñi feipin Biblia huechurpui Jesús miyaupalu Mapu meu.
Ngüneduamaiñ quiñeque troquiñ Biblia ca fillque ramtun:
Papeltuaiñ Miqueas 5:2 taiñ quimal cheu ñi choyüngeal tati Mesías. b
-
Cheu ñi choyüngen ta Jesús, ¿femtripapei mai ñi feipin Biblia? (Mateo 2:1).
Papeltuaiñ Salmo 34:20 ca Zacarías 12:10, fei peaiñ chumngechi feipicünungei Biblia meu ñi layal tati Mesías.
-
Ñi feipin Biblia, ¿huechutripai Jesús tañi lan meu? (Juan 19:33-37).
-
Jesús, ¿adcünupeafui mai ñi legtripayal tañi mongen meu com ñi feipin Biblia? ¿Chem pimi cai?
-
Com ñi feipin Biblia Jesús meu, ¿chem pengeleiñmu?
6. Quimfiliyiñ ta Jesús rume cümelcayaiñmu
Biblia quimeleiñmu ñi fente falin-ngen doi quimafiel ta Jesús. Cafei doi quimafiyiñ feichi falin cüdau Jehová ñi elfalcünulelfiel ta Jesús. Papeltuaiñ Juan 14:6 ca 17:3, fei ngüneduamaiñ tüfachi ramtun:
-
¿Chumngelu rume duamfali taiñ quimafiel ta Jesús?
Jesús tati rüpü reque felei, fei quisu ñi duam meu hueniyeafuiñ ta Chau Ngünechen. Cafei quisu quimeltui ti rüf dungu Jehová mu ca tañi femün meu rumel mongen nierpuafuiñ.
QUIÑEQUE CHE FEIPIAFEIMU: “Pu Dunguquelu Ineingen Jehová inaquelafingün ta Jesús”.
-
¿Chem piafuimi?
TAMI QUIMEL
Jesús quiñe nehuen püllüngei, Ngünechen tañi Fotüm ca tati Mesías.
¿Chem piafuimi?
-
¿Chumngelu Jesús feipingequei “quiñen Fotüm”?
-
¿Chumquefui Jesús petu ñi huercüngenon Mapu meu?
-
¿Chumngelu quimnieiñ Jesús tañi Mesíasngen?
CA PEAFUIMI
¿Chumngelu feipiafuiñ Jesús tati Mesíasngen? Fau doi quimafuimi.
“Pu profecia Biblia mu, ¿pengeli Jesús ñi Mesíasngen?” (Troquiñ internet mu)
Chau Dios, ¿nierpupei mai ta Jesús chumngechi pu chau nierpuquei tañi pu fotüm? Quimfinge chem pilen Biblia.
“¿Chumngelu am Jesús feipingequei Chau Dios tañi Fotüm?” (Troquiñ internet mu)
Tati trinidad pingechi quimeltun, tripaquelai Biblia meu. Ngüneduamnge chumngelu feipiafuiñ tüfa.
Quimürpunge chumngechi cümelcaeyu ta quiñe domo quimal chem pilen Biblia Jesús meu.
“Quiñe domo judio tuhun-ngelu ngüneduami ñi cümepen mai tañi feyentun” (¡Tami quimafel! mayo, 2013)
a Chau Ngünechen dullifi quiñe huentru ñi montulcheal, feimu Biblia meu Cristo ca Mesías feipingequei. Ti quimeltun 26 ca 27 inaduamaiñ chumngelu tati pu che duamniei tañi montulngeal ca chem chumi Jesús taiñ montulaeteu.
b Biblia meu, ¿feipilepei mai chumül ñi peufaluhual Jesús Mapu meu? Tami doi quimal ngüneduamnge ti Doi quimafiel ti dungu 2.
Eimi ca ayüafuimi
DOI RUPA ÑI RAMTUNGEQUEEL
¿Chem am tati chillcatun Biblia?
Tami chillcatual pu testigo engün püneafuimi chem Biblia rume. Cafei mangelafuimi tami pu familia ca hueni tamün quiñentrür chillcatual Biblia.
