ЛИХТЕНШТЕЈН ҹыртдан дөвләтләрдән биридир. Алп дағларында јерләшән бу өлкә Исвечрә вә Австрија илә һәмсәрһәддир. Бу әразидә әсрләр боју келтләр, ретиләр, ромалылар, аламанлар мәскән салыб. Бу ҝүн Лихтенштејн әһалисинин үчдә икиси тәхминән 1500 ил өнҹә бурада мәскунлашмыш Аламан тајфасынын төрәмәсидир.

Лихтенштејндә дөвләт дили алман дилидир. Амма һәр кәндин өз ләһҹәси вар. Лихтенштејнин әнәнәви хөрәкләри сырасында гарғыдалыдан һазырланмыш хүсуси јемәк олан түарка-ребелин вә пендирли макарон кәснөпфленин адыны чәкмәк олар.

Бу өлкәјә ҝәлән туристләр башыгарлы дағлары, јашыл вадиләри, үзүм бағларыны вә зәнҝин битки өртүјүнү ҝөрә биләрләр. Мәсәлән, Алп дағларында јерләшән бу ҹыртдан дөвләтдә һарадаса 50 нөв јабаны сәһләб биткисинә раст ҝәлинир. Бурада һәмчинин музејләр, театрлар вә шәраб заводлары вар. Бу сәбәбдән өлкәдә јај-гыш туристләр олур.

 Јеһованын Шаһидләри 1920-ҹи илдән бәри Лихтенштејндә фәалијјәт ҝөстәрирләр. Һал-һазырда тәхминән 90 Јеһованын Шаһиди јерли әһалијә вә туристләрә илаһи мүждәни чатдырыр.