Məsəllər 30:1—33
30 Yaqi oğlu Ağurun İsailə və Ücala dediyi kəlamlar.
2 Mən hər kəsdən cahiləm,+Bəşəri idraka malik deyiləm.
3 Nə hikmətə yiyələnmişəm,Nə də Müqəddəsin elminə çatmışam.
4 Kim göylərə qalxıb? Oradan kim enib?+
Kim küləyi ovuclarına yığıb?
Kim suyu paltarına büküb?+
Kim yerin hüdudlarını bərqərar edib?+
Onun adını bilirsən?
Bəs oğlunun adını?
5 Allahın hər kəlməsi safdır.+
Allah Ona pənah aparanlar üçün qalxandır.+
6 Onun sözlərinə heç nə əlavə etmə,+Yoxsa səni tənbeh edər.
Yalançı çıxarsan.
7 Səndən iki şey istəyirəm.
Nə qədər ki sağam, onları məndən əsirgəmə.
8 Saxtakarlığı və yalanı məndən uzaq et.+
Məni nə kasıb elə, nə də varlı.
Qədərində yeyim ki,+
9 Toxluqdan Səni danmayım, «Yehova kimdir?» deməyim.+
Nə də yoxsul olub oğurluq etməyim, Allahımın adına ləkə gətirməyim.
10 Ağanın yanına gedib nökəri şərləmə,Yoxsa sənə qarğış edər, sən də təqsirkar olarsan.+
11 Nəsil var ki, atasına lənət edir,Anasına hörmət qoymur.+
12 Nəsil var ki, özünü təmiz sayır,+Amma çirkabından təmizlənməyib.
13 Nəsil var ki, göylə gedir,Gözlərindən təkəbbür yağır!+
14 Nəsil var ki, dişləri, sanki, qılıncdır,Çənəsi xəncərdir.
Dünyanın məzlumlarını,Kasıb-kusubu diri-diri udur.+
15 Zəlinin «ver, ver»
qışqıran iki qızı var.
Üç şey var ki, doymaq bilməz.
Dörd şey var ki, «yetər» deməz.
16 Məzar*,+ qısır bətn,Quraq torpaq,«Bəsdir» deməyən alov.
17 Ataya rişxənd edənin, ana sözünə baxmayanın+ gözləriniDərə quzğunları dələr,Qartal balaları yeyər.+
18 Ağlım kəsməyən üç şey var,Dörd şeyi başa düşmürəm:
19 Qartalın səmada yolunu,İlanın qaya üzərində yolunu,Gəminin dəryada yolunu,Kişinin qızın qəlbinə yolunu.
20 Zinakar qadının yolu belədir:
Yeyir, ağzını silir,Sonra deyir: «Nə pis iş görmüşəm ki?»+
21 Üç şey var ki, yeri lərzəyə gətirir,Dörd şeyə yer dözmür:
22 Qulun padşahlıq etməsinə,+Axmağın xirtdəyəcən yeməsinə,
23 Sevilməyən qadının ərə getməsinə,Kənizin öz xanımının yerini tutmasına.+
24 Dünyada kiçicik dörd şey var,Amma onlar anadangəlmə hikmətə sahibdir:+
25 Qarışqalar güclü məxluq deyil,Amma yayda azuqə tədarük edirlər.+
26 Qayadovşanları+ da güclü deyil,Amma yuvalarını qayalarda qururlar.+
27 Çəyirtkələrin+ hökmdarı olmur,Amma hamısı nizamla irəliləyir.+
28 Kərtənkələ*+ ayaqları ilə yapışa-yapışaPadşah sarayına girir.
29 Üç şey var ki, yerişi möhtəşəmdir,Dörd şey var ki, gedişi əzəmətlidir:
30 Heyvanlar arasında ən güclüsü,Heç nəyin qarşısından geri çəkilməyən aslan,+
31 Tazı, təkə,Ordu önündə gedən padşah.
32 Əgər axmaqlıq edib özünü ucaltmısansa,+Yaxud ürəyindən belə bir şey keçibsə,Əlinlə ağzını yum.+
33 Çünki südü çalxalayanda yağ yığılır,Burnu əzəndə qan gəlir,Qəzəbi qızışdıranda dava düşür.+