Zəbur 18:1—50
Dirijora. Yehovanın qulu Davudun məzmuru. Yehova Davudu bütün düşmənlərinin və Talutun əlindən qurtaranda onun Yehovaya oxuduğu nəğmə.+
18 Səni sevirəm, ey Yehova, qüvvətim Sənsən.+
2 Yehova yalçın qayam, istehkamımdır, mənim nicatımdır.+
Allahım qayamdır,+ Ona sığınıram,Qalxanım, güclü xilaskarım*, qalamdır.+
3 Yehova tərifə layiqdir, Onu çağırıram,Düşmənlərimdən qurtularam.+
4 Ölüm ipləri mənə dolanmışdı,+Yaramaz adamların basqını* məni dəhşətə salmışdı.+
5 Məzarın* ipləri mənə sarılmışdı,Çıxmışdı qarşıma ölüm tələləri.+
6 Bu darlıqda Yehovanı çağırdım,İmdad üçün Allahıma yalvardım.
Eşitdi səsimi məbədindən,+Çatdı qulağına fəryadım.+
7 Yer üzü silkələndi, yırğalandı,+Dağların təməli yerindən oynadı,Titrədi Onun qəzəbindən.+
8 Burun pərələrindən tüstü çıxdı,Ağzından şiddətli alov püskürdü,+Yanar közlər səpələndi Ondan.
9 Aşağı enəndə göylər əyildi,+Qatı zülmət ayaqları altında idi.+
10 Kərruba minib uçaraq gəldi,+Mələyin* qanadı üzərində şığıdı aşağı.+
11 Qaranlığı Özünə örtük etdi,+Çadır kimi ətrafını bürümüşdüQara sular, topa buludlar.+
12 Önündə parlayan şəfəqdənDolu və köz çıxıb buludları yardı keçdi
13 Yehova göylərdə gurladı,+Haqq-Taala səsini ucaldanda+Dolu və yanar közlər töküldü.
14 Oxlarını atıb düşmənləri darmadağın etdi,+Çaxan şimşəkləri ilə onları çaxnaşmaya saldı.+
15 Ey Yehova, Sənin məzəmmətindən, burnundan çıxan nəfəsin şiddətindənSuların dibi göründü,+Yerin təməlləri aşkar oldu.+
16 O, yüksəklərdən əlini uzadıb məni tutdu,Dərin sulardan məni çəkib çıxartdı.+
17 Məni qoluzorlu düşmənimdən,Mənimlə ədavət aparanlardan qurtardı,+ onlar məndən güclü idi.+
18 Dar günümdə onlar qarşımı kəsmişdi,+Lakin Yehova mənə dayaq oldu.
19 Məni genişliyə çıxartdı,Məni xilas etdi, çünki məndən razı idi.+
20 Yehova salehliyimə görə mənə mükafat verir,+Pak olduğumu görüb əvəzini verir.+
21 Çünki mən Yehovanın yolunu tutmuşam,Allahımı xaincəsinə tərk etməmişəm.
22 Onun bütün hökmləri gözümün önündədir,Qanunlarına hörmətsizlik etmirəm.
23 Onun önündə pak qalacağam,+Qəbahət işlərdən uzaq gəzəcəyəm.+
24 Yehova salehliyimin,Önündə günahsız olmağımın əvəzini versin.+
25 Sadiq adamla sadiqsən,+Pak adama qarşı paksan.+
26 Saf adamla saf davranırsan,+Hiyləgərə qarşı fənd işlədirsən.+
27 Məzlumları xilas edirsən,+Məğrurları alçaldırsan.+
28 Yehova, çırağımı yandıran Sənsən;Allahım gecəmi gündüz edir.+
29 Sənin köməyinlə quldurların qabağına çıxaram,+Allahın gücü ilə sədlər aşaram.+
30 Allahın yolu kamildir,+Yehovanın sözü safdır,+Xudavənd Ona sığınanların hamısına sipərdir.+
31 Məgər Yehovadan başqa Allah var?+
Allahımızdan savayı kim qaya ola bilər?+
32 Belimi qüvvətlə qurşayan Allahdır,+O, yolumu kamil edər.+
33 Ayağımı maral ayağıtək çevik edir,Məni zirvələrdə saxlayır.+
34 Əlimi döyüşə öyrədir,Qolum mis kamanı gərir.
35 Sən qurtuluş qalxanını mənə verirsən,+Sağ əlin mənə dayaq olur,Lütfün məni ucaldır.+
36 Addımlarıma yol açırsan,Ayaqlarım sürüşməz.+
37 Düşmənlərimi qovub yaxalayacağam,Onları yox etməyincə geri qayıtmayacağam.
38 Onları qıracağam, qalxa bilməyəcəklər,+Ayağımın altına səriləcəklər.
39 Döyüş üçün belimi qüvvətlə qurşayarsan,Yağı düşmənimi ayağımın altına sərərsən.+
40 Düşmənlərimi məğlubiyyətə uğradarsan.
Mənə nifrət edənləri yox edərəm*.+
41 İmdad diləsələr də, onları qurtaran yoxdur,Hətta Yehovaya yalvarırlar, lakin O hay vermir.
42 Onları əzib küləyin sovurduğu toz kimi edəcəyəm,Küçədəki palçıq kimi onları tullayacağam.
43 Sən məni elin tənəsindən qurtaracaqsan,+Xalqlara başçı qoyacaqsan,+Tanımadığım bir xalq mənə qulluq edəcək.+
44 Sorağımı eşidib mənə itaət edəcəklər,Yadellilər əsə-əsə önümə gələcək.+
45 O yadellilərin rəngi-ruhu qaçacaq,Gizləndikləri qalalardan əsə-əsə çıxacaqlar.
46 Şükürlər olsun Qayama,+ var olan Yehovaya,Xilaskarım Allaha eşq olsun!+
47 Allah qisasımı alır,+Xalqları mənə tabe edir.
48 O, məni acıqlı düşmənlərimdən qurtarır.
Sən məni üstümə gələnlərdən üstün edirsən,+Məni zalımın əlindən alırsan.
49 Buna görə, ey Yehova, Səni xalqlar arasında ucaldacağam,+Adını nəğmələrdə tərənnüm edəcəyəm.+
50 O, möhtəşəm işlərlə padşahını xilas edir,+Məsh etdiyinə, Davuda və onun nəslinə*Əbədilik məhəbbət göstərir.+
Haşiyələr
^ Hərfən: xilas buynuzum.
^ Hərfən: seli.
^ Yaxud küləyin.
^ Hərfən: susduraram.
^ Hərfən: toxumuna.
