Na lao digattihon Harajaon ni Debata nama sude pamarettaon ni jolma jala mamaretta ma Harajaon i tu tano on. (Daniel 2:44; Pangungkapon 16:14) Molo dung terjadi i, akka on ma na lao diulahon Harajaon ni Debata . . .

•   Pamateonna ma sude halak na jahat dohot sude halak na egois. “Na lao salpu do akka parjahat sian tano on.”—Poda 2:22.

•   Pasoonna ma sude porang. “Dipaujung [Debata] do akka porang di saluhut tano on.”—Psalmen 46:9.

•   Bahenonna ma makmur ngolu ni jolma jala aman sude liat portibi on. “Ganup halak hundul ma di toru ni hau anggurna be dohot di toru ni hau arana be, dang adong be na mambahen nasida mabiar.”—Mika 4:4.

•   Bahenonna ma sude tano on gabe songon Taman Eden. “Marlas ni roha ma gurun pasir dohot tano na harsang. Marlas ni roha ma gurun jala gok ma akka bunga disi.”—Jesaya 35:1.

•   Lehononna ma tu sude halak karejo na mambahen nasida marlas ni roha. “Marlas ni roha situtu ma akka halak na dipillit [Debata] i alani hasil ni ulaon ni nasida. Dang na lao marisuang halojaon ni nasida.”—Jesaya 65:21-23.

•   Salpuhononna ma sude sahit. ‘Dang adong nanggo sahalak pe na mandok, “Marsahit do au.”’—Jesaya 33:24.

•   Bebashononna ma hita sian proses na mambahen jolma matua. “Sai lam sehat ma ibana, ussehat sian tikki haposoonna. Sai mulak ma muse gogona songon tikki poso dope ibana.”—Job 33:25.

•   Bahenonna ma mulak mangolu akka naung mate. “Begeon ni saluhut na di kuburan i ma soara [ni Jesus] jala kaluar ma nasida.”—Johannes 5:28, 29.