Ganup taon, godang do sian dinas sepenuh waktu na di liat portibi on diundang dohot tu Sikkola Alkitab Gilead Menara Pengawal na dibahen di Pusat Pendidikan Menara Pengawal di Patterson, New York. a Di sikkola on, diparsiajari akka siswa do songon dia asa boi nasida lam denggan mangulahon marragam tugas di organisasi ni Jahowa. Pelatihan di sikkola on, mangurupi nasida lao patoguhon huria jala mangurupi kantor cabang di liat portibi on.

 Sikkola Gilead on, i ma sikkola internasional. Contohna tahun 2019 kelas ke 147 adong 56 siswana sian 29 negara. Akka siswa na dohot tu sikkola on adong do na melayani di Betel, pengawas wilayah, misionaris manang perintis istimewa.

 Leleng andorang so dimulai dope kelas i, nungnga dipersiappon sude. Contohna, nungnga dituhor Departemen Perjalanan di Kantor Pusat tiket tu akka halak na diundang tu sikkola on. Rata-rata ongkos pulang pergi ni akka siswa Gilead kelas 147, i ma 1.075 dollar AS (hira-hira 15 juta rupiah). Molo akka siswa na sian Kepulauan Salomon, ikkon opat hali sambung ma penerbanganna asa sahat tu Patterson. Jala ikkon tolu hali sambung ma molo naeng mulak. Hira-hira 35.400 kilometer ma total ni pardalananna. Hira-hira 2.300 dollar AS (hira-hira 32 juta rupiah) ma ongkosna per siswa. Asa hemat, dipakke Departemen Perjalanan di Kantor Pusat do program komputer lao mangalului tiket na ummura. Nang pe naung dipesan nasida tiket, alai melalui program komputer, torus dope dilului tiket na ummura saleleng marminggu-minggu manang marbulan-bulan. Dipakke do muse poin dohot kredit penerbangan na disumbangkon akka dongan lao manuhor tiket i.

 Godang do akka siswa na ikkon adong visana asa boi masuk tu Amerika Serikat. Diurupi Departemen Hukum di Kantor Pusat ma nasida mangurus visa. Biaya pendaftaran dohot mangurus visa hira-hira 510 dollar AS (hira-hira 7 juta rupiah) ma per siswa.

Sian pelatihan na dapot ni akka siswa i, aha do manfaatna tu hita?

 Si Hendra Gunawan sahalak sintua di Asia Tenggara, adong di huriana na suami istri na lulusan Sikkola Gilead. Didok ibana, “Dang adong hian perintis di hurianami. Alai dung ro na lulusan Sikkola Gilead on tu hurianami, adong do pengaruhna tu na asing alani semangat dohot kerelaan ni nasida. Ujungna gabe adong do na olo merintis. Dung i, adong sahalak donganta borua sian hurianami dohot tu Sikkola Parbarita Harajaon.”

 Si Sergio Panjaitan na kerjasama dohot akka lulusan Sikkola Gilead di Betel Asia Tenggara mandok, “Pelatihan na didapot nasida dang holan bermanfaat di nasida, alai hami pe tong do mandapot manfaat. Godang do na diparsiajari nasida. Alai dang didok roha ni nasida na unjago nasida sian na asing. Dibagi nasida do aha na diparsiajari nasida i, on mambahen togu akka dongan na asing.”

 Songon dia do sikkola on dibiayai? Sikkola on dibiayai marhite sumbangan na dilehon tu ulaonta na di liat portibi on. Godang do i na dilehon sian donate.ps8318.com. Mauliate ma tu sude sumbanganmuna na mendukung sude sikkola na dibahen di liat portibi on.