Galeri Foto Warwick Bagian 6 (Maret Sahat tu Agustus 2016)
Galeri foto on patuduhon ulaon pajongjokkon kantor pusat ni Saksi Jahowa na baru. Jala patuduhon songon dia akka sukarelawan dohot mangurupi di proyek on sian Maret sahat tu Agustus 2016.
Foto kompleks Warwick. Sian ginjang sabola hambirang:
Gedung Bengkel
Inganan Parkir tu Akka Tamu
Inganan Alat Partukangan dohot Inganan Parkir Anggota Betel
Inganan Keluarga Betel B
Inganan Keluarga Betel D
Inganan Keluarga Betel C
Inganan Keluarga Betel A
Kantor dohot Inganan Haporluan ni Keluarga Betel
16 Maret 2016—Warwick
Na karejo di bagian taman mamboan hau ek dohot mapel tu inganan na baru. Lobi sian 1.400 hau disuan di Warwick.
23 Maret 2016—Gedung Bengkel
Akka anggota di Warwick ro tu Borngin Parningotan Hamamate ni Kristus, sada ulaon na somal diulahon Sitindangi Ni Jahowa ganup taon di liat portibi on. Na ro tu inganan on 384 halak.
15 April 2016—Warwick
Akka tukkang mamasang jandela di pos panjaga. Akka panjaga di pos on do na manjakkon na ro, manjaga luat i, jala mangatur akka motor na masuk dohot na kaluar.
19 April 2016—Kantor dohot Inganan Haporluan ni Keluarga Betel
Sahalak ama rap dohot anakna mamasang karpet di dalan na di lantai dua. Karpet sisongon on ma dipakke di area umum, alana molo adong na sega ummura do gantion sian karpet na bolak.
27 April 2016—Kantor dohot Inganan Haporluan ni Keluarga Betel
Akka tukkang mamasang dinding na boi dipapinda. Molo dihaporluhon, boi digeser akka parkarejo dinding i.
10 Mei 2016—Kantor dohot Inganan Haporluan ni Keluarga Betel
Sahalak parkarejo paulihon kamar mandi tu akka na ro di jonok ni lobby, mamasang WC dohot akka dinding pembatas.
26 Mei 2016—Warwick
Di tikki pelatihan, Tim Penanggungjawab Keadaan Darurat marlatik pamintoppon api. Molo diparade nasida asa hatop mangadopi situasi na so panagaman, boi ma urupan ni nasida akka parkarejo na asing jala pamintoppon api molo adong kebakaran.
30 Mei 2016—Kantor dohot Inganan Haporluan ni Keluarga Betel
Sahalak pramusaji paradehon hundulan tu akka parkarejo di Warwick di ruang makan utama andorang so dipukka ibadat pagi di inganan i.
31 Mei 2016—Inganan Alat Partukangan dohot Inganan Parkir Anggota Betel
Sahalak tukkang mamakke laser lao mamasang sada sian 2.500 tanda na gabe tudu-tudu tu akka halak disi.
1 Juni 2016—Kantor dohot Inganan Haporluan ni Keluarga Betel
Tukkang las mamasang sitiopon di tangga utama, dalan sian lobby tu auditorium. Dipakke do kain na tahan api songon na taida di gombar lao manghukkupi akka naung sae.
9 Juni 2016—Kantor dohot Inganan Haporluan ni Keluarga Betel
Sada sian anggota Bagian Atap/Dinding pakorikkon dinding tu bagian pameran “Beraksi dalam Iman”, i ma sada sian tolu inganan na boi idaon ni na ro. Sude bagian sian bangunan i, patuduhon tema di ganup galeri.
16 Juni 2016—Gedung Bengkel
Akka parkarejo paradehon lantai lao didensifikasi. Proses densifikasi i ma melapisi semen asa karas, tahan leleng, jala dang marbokkas nang pe hona orbuk manang ban. Alani i, gabe ummura ma uruson.
29 Juni 2016—Kantor dohot Inganan Haporluan ni Keluarga Betel
Piga-piga tukkang mamasang fiberglass di ginjang ni lobby di pintu masuk. Kaca on mambahen asa unang gabe silo di inganan i.
29 Juni 2016—Kantor dohot Inganan Haporluan ni Keluarga Betel
Na mardongan saripe mamasang keramik granit di pintu masuk pameran “The Bible and the Divine Name”.
6 Juli 2016—Kantor dohot Inganan Haporluan ni Keluarga Betel
Sahalak tukkang mamasang sada sian 1.018 kursi di auditorium utama. Dison ma diulahon parsiajaran Joujou Paboahon dohot akka acara parpunguan ni anggota keluarga Betel.
9 Juli 2016—Kantor dohot Inganan Haporluan ni Keluarga Betel
Akka tukkang, parlistrik, dohot akka parkarejo na asing, mamasang lampu di lobby utama.
13 Juli 2016—Kantor dohot Inganan Haporluan ni Keluarga Betel
Dua anggota sian Bagian Bangunan manaruhon siinumon tu akka parkarejo di lobby utama. Tarlumobi di musim panas, sai dijujui do akka parkarejo asa godang minum.
19 Juli 2016—Kantor dohot Inganan Haporluan ni Keluarga Betel
Sahalak tukkang mamasang rak inganan ni akka Bibel di pameran “The Bible and the Divine Name”. Di pameran on adong do gombar na boi marputar, akka Bibel dohot akka artefak taringot Bibel.
22 Juli 2016—Kantor dohot Inganan Haporluan ni Keluarga Betel
Sahalak tukkang mamasang peta Australia dohot akka pulo di Asia Tenggara di lobby utama mamakke cetak biru. Disurat do disi hata Sitindangi Ni Jahowa di bagasan 700 bahasa.
23 Juli 2016—Kantor dohot Inganan Haporluan ni Keluarga Betel
Akka anggota keluarga Betel manangihon tikki dipasahat akka tudu-tudu. Acara on dibahen lao manjakkon jala mangurupi anggota keluarga Betel na baru di Warwick taringot akka na porlu diparrohahon di luat i.
17 Agustus 2016—Studio JW Broadcasting
Ring inganan ni akka lampu dohot tiang na dipakke tu inganan ni pembawa acara JW Broadcasting. Godangan akka alat on, diboan sian ingananna hian di Brooklyn.
24 Agustus 2016—Warwick
Sahalak tukkang listrik mamasang tanda na baru mamakke lampu LED di pintu masuk utama. Mulai sian 1 September, godangan departemen di kantor pusat nungnga dipapinda tu Warwick.
Mungkin Lomo do Rohamuna Mamboto
PROYEK PEMBANGUNAN
Galeri Foto Warwick Bagian 7 (September 2016 Sahat tu Februari 2017)
Nungnga dipakke be sude bangunan na adong di Warwick. Di Kantor dohot Inganan Haporluan ni Keluarga Betel, lobi sian 250 halak na mangurupi sahat tu na sae tolu museum i dipajongjong.
PROYEK PEMBANGUNAN
Na Baru Ro tu Warwick
Anggota komunitas lokal di Warwick, New York, marcarita taringot karejoa dohot Saksi ni Jahowa di ulaon pembangunan kantor pusat ni nasida.
