Akpasua 2 i su fitilɛ
?Ngue ti yɛ blɛ kun nun’n Zoova yoli maan nzue dan kun tɔli m’ɔ nunnunnin asiɛ’n su ninnge mun be kwlaa-ɔ? Kɛ ɔ fɛ i mɛn’n i bo bolɛ nun’n, Satan yoli ɲin kekle Zoova su. Sran kɛ Adan nin Ɛvu sa’n, yɛ be wa Kaɛn be jrannin Satan sin. Sran wie mun be jrannin Zoova sin. B’a sɔnman. Be nun wie yɛle Abɛli nin Nowe. Kɛ mɔ sran mun be dan lika be wa yoli sa tɛ dan ti’n, Zoova nunnunnin be. Ndɛ akpasua nga kle kɛ sɛ e yo sa tɛ annzɛ sa kpa’n Zoova wun i, yɛ ɔ su kplinman su kɛ sa tɛ yolɛ’n ka asiɛ’n su sa trilili.
AKPASUA NGA NUN'N
LIKE SUANLƐ 3
Adan nin Ɛvu be ɲin w’a yiman Ɲanmiɛn
?Ndɛ benin yɛ Ɲanmiɛn kɛnnin i Edɛnin fie’n i nun waka kun su-ɔ? ?Ngue ti yɛ Ɛvu dili waka sɔ’n i su mma’n niɔn?
LIKE SUANLƐ 4
Ɔ fali ya ti’n ɔ kunnin sran
Ɲanmiɛn klun jɔli like nga Abɛli mannin’n su, i klun w’a jɔman Kaɛn liɛ’n su. Kɛ ɔ wunnin i sɔ’n, ɔ fali ya dan yɛ ɔ yoli sa tɛ.
LIKE SUANLƐ 5
Nowe boboli mmeli kun
Kɛ anzi mun be jali bla mun asiɛ’n su wa’n, ba nga be wuli be’n be ti jajraajra kpa, yɛ be kle sran’m be ɲrɛnnɛn. Asiɛ’n sacili mlɔnmlɔn. Sanngɛ Nowe liɛ’n ɔ ti sran kpa—ɔ klo Zoova yɛ i ɲin yi i.
LIKE SUANLƐ 6
Sran mɔcuɛ be fiteli nun
Nzue dan’n tɔli cɛn ba 40 kɔnguɛ nin wia nun. Nowe nin i awlofuɛ mun be kali mmeli nun lɔ lele afuɛ kun tra su. I sin’n, Ɲanmiɛn seli be kɛ be kwla fite.
