JUE 55
Nán an sro be!
-
1. Min nvle’n kɔ, nán srɛ kun wɔ.
Ko bo Sielɛ’n i jasin’n.
Nán sro be nga be kpɔ e’n.
Se be nga be klo nanwlɛ’n
Kɛ min wa Zezi m’ɔ su sie’n,
Ɔ kwlali e kpɔfuɛ tɛ’n,
Naan ɔ su wa de klɔ sran mun
Satan gblɛfuɛ’n i sa nun.
(I SU SƆLƐ)
Maan be kpɛ an nzowa sɛ,
Min sran mun, nán an sro be.
Ń sásá min sufuɛ kpa mun
Kɛ min ɲinma’n i liɛ’n sa.
-
2. Kannzɛ an kpɔfuɛ’m be sɔnnin
Naan be wla an sin ndɛnngan’n,
Yɛ be fa be nuan nun fɛ’n
Kɛ bé fá láka amun’n,
Min sran mun, nán amun sro be.
Nán an sro yalɛ klelɛ’n,
Afin ń sásá min klofuɛ’n
Lele mɛn’n i awieliɛ.
(I SU SƆLƐ)
Maan be kpɛ an nzowa sɛ,
Min sran mun, nán an sro be.
Ń sásá min sufuɛ kpa mun
Kɛ min ɲinma’n i liɛ’n sa.
-
3. Amun nguan’n ti nán an usu
N ti amun sasafuɛ.
Sɛ wie’n kun amun bɔbɔ’n,
N wla su fiman amun.
Nán amun sro sran kunfuɛ mun
Mɔ nguan bɔbɔ’n finman be’n.
Amun su min guɛguɛ i bo,
Amún ɲɛ́n i nuan like!
(I SU SƆLƐ)
Maan be kpɛ an nzowa sɛ,
Min sran mun, nán an sro be.
Ń sásá min sufuɛ kpa mun
Kɛ min ɲinma’n i liɛ’n sa.
(Nian Mml. 32:10; Nee. 4:8; Jue. 59:2; 83:3, 4 nun wie.)
