1. Amun mɔ e Min’n flɛli amun’n,

An bla be wa di i junman’n.

Ɔ seli kɛ ɔ́ úka amun.

Ɔ́ klé amun atin kpafuɛ’n.

Be nga be awlɛn ti kpa’n bé wá fá

Ndɛ nanwlɛ nga amun kan’n su.

I ti’n an tu amun klun kpa di junman

Mɔ be fa wlali amun sa nun’n.

2. Sɛ junman nga an di’n ɔ́ yó kpa’n,

Kpɛ sunman’n ɔ fin an bɔbɔ.

An nian an ndɛ tiefuɛ’m be lika

Naan be si nanwlɛ’n nin sa kpa’n.

An uka be naan be jran sa kwlaa nga

Bé tɔ́ be su’n be ɲrun kekle.

Kɛ nanwlɛ’n ko tra ndin kpa be awlɛn’n nun’n

Aklunjuɛ nga án dí’n ɔ́ yó dan.