MƐN’N W’A YO KEKLE
3 | A nin sran’m be tran klanman
?NGUE TI YƐ I SƆ’N TI CINNJIN-ƆN?
Kɛ mɔ mɛn’n nun sa’m b’a sɔn’n ti’n, sran’m be koko dan. I sɔ’n ti’n, be nin be wiengu’m be tranman klanman.
-
Sran’m be faman be wun be mantanman be janvuɛ mun.
-
Be nga b’a ja bla annzɛ bian’n be kan ndɛnngan cɛn kwlaa.
-
Siɛ nin niɛn’m be nianman be mma’m be lika kɛ ng’ɔ nin i fata’n sa.
Like ng’ɔ fata kɛ a wun i wlɛ’n
-
Blɛ kekle nun’n, ɔ janvuɛ’m be kwla uka wɔ kpa.
-
Kɛ lika’n yo kekle’n amun awlobo tranlɛ’n kusu kwla yo kekle wie.
-
Mɛn’n nun sa’m be su nganniɛn’m be kwla kle ba’m be yalɛ kpa.
Like nga a kwla yo’n
Biblu’n se kɛ: “Janvuɛ kpa’n ɔ nunnun wunfle. Be niaan’n kusu, ɔ nunnun mmoja.” —Nyanndra Mun 17:17.
Bu ɔ janvuɛ kun mɔ blɛ kekle nun’n, ɔ kwla suan ɔ bo yɛ ɔ kwla man ɔ afɔtuɛ kpakpa mun’n i akunndan. Afin kɛ e si kɛ e ndɛ lo sran kun’n, i sɔ’n kwla man e wunmiɛn naan y’a jran e su sa’m be ɲrun kekle.
Ninnge wie mɔ be kwla yo ɔ fɛ ekun'n
AN TINNGE!
Ngwlɛlɛ ndɛ mɔ be kwla uka e naan e nin e wiengu mun y’a tran klanman’n
?Nzuɛn benin yɛ e kwla yi i nglo naan e nin e wiengu mun y’a tran klanman-ɔn?
