Sa ministeryo ni Jesus, ginamit niya an presenteng mga pangyayari para magtukdo. (Lu 13:1-5) Puwede mo man gamiton an presenteng mga pangyayari para mapukaw an interes kan mga tawo sa mensahe kan Kahadian. Pagkatapos na sambiton an manungod sa kasakitan sa pagbuhay, natural na kalamidad, kariribukan sa komunidad, adiksiyon sa droga, o iba pang problema na kaagid kaiyan, magbangon nin nakakapaisip na hapot. Puwede mong ihapot: “Sa hiling mo, matatapos pa daw an . . . ?” o “Ano sa paghuna mo an solusyon sa . . . ?” Dangan, magbasa nin sarong teksto sa Bibliya na konektado sa tema. Kun an saro magpahiling nin interes, puwede mong ipahiling saiya an sarong video o puwede kang mag-alok nin publikasyon sa satong Toolbox sa Pagtutukdo. Mantang hinihinguwa ta na abuton an puso kan mga tawo sa satong teritoryo, lugod na ‘gibuhon ta an gabos na bagay alang-alang sa maugmang bareta.’—1Co 9:22, 23.

Anong mga tema an puwedeng magin interesante sa mga tawo sa saindong teritoryo?