Magdangog nin musika asin hilingon an liriko kan mga kanta sa satong songbook.

•   I-download an songbook

•   I-play o i-download an songbook audio

•   Maghanap, mag-play, asin maghiling nin mga kanta

•   Maghiling nin liriko kan mga kanta

Magduman sa LIBRARYA > MUSIKA.

Mahihiling sa Download an gabos na available na digital format kan “Maugmang Magkanta” ki Jehova.

Magpili nin saro sa mga format sa ibaba kan titulo kan songbook. Halimbawa, i-click an “PDF” tanganing mahiling an PDF file na puwedeng i-download.

Kun makukua sa lengguwahe nindo an music album nin sarong songbook, mahihiling iyan sa page na LIBRARYA > MUSIKA kaiba kan songbook.

Paagi sa window na I-play Asin I-download puwede kang mag-play kan audio o video nin saro o dakul na kanta.

• I-click an button na I-play sa Audio Bar tanganing madangog an songbook puon sa kapinunan.

• I-click an button na I-play kataid kan sarong titulo nin kanta tanganing madangog an kantang iyan.

• I-click an button na I-play na may ritrato tanganing ma-play an video kan kantang iyan.

Pag tapos na an sarong kanta, ma-play na man an sunod na kanta sagkod na matapos an songbook.

Paagi sa window na I-play Asin I-download puwede mong ma-download an bilog na songbook o an sarong kanta.

• I-click an ZIP button tanganing ma-download an gabos na audio kan songbook. An size kan bilog na file kan gabos na audio track mahihiling sa button.

• I-click an MP3 button kataid nin sarong kanta tanganing ma-download an audio kan kantang iyan. An file size kan kanta mahihiling sa button.

• I-click an button na I-download kataid kan sarong kanta tanganing ma-download an video kan kantang iyan.

Magduman sa LIBRARYA > MUSIKA.

I-click an songbook o an titulo kan music album tanganing makaduman sa page na “Maugmang Magkanta” ki Jehova.

Mahihiling mo sa page na ini an mga kanta na gusto mong hilingon o dangugon.

I-click an checkbox na I-play nin Dagos-dagos tanganing ma-play an gabos na kanta sa album. Mapundo an pag-play pag natapos na an gabos na kanta.

I-click an checkbox na I-shuffle tanganing ma-play nin bakong pasunod-sunod an gabos na kanta. Mapundo an pag-play pag natapos na an gabos na kanta.

Gamiton an mga control sa Audio Bar tanganing makontrol an pag-play kan audio:

• I-click an button na I-play tanganing ma-play an “Maugmang Magkanta” ki Jehova puon sa kapinunan. O i-click an button na I-play na nasa tuo kan titulo kan kanta tanganing ma-play an kantang iyan.

• I-click an button na I-pause tanganing ma-pause an audio. I-click giraray an I-play tanganing maipadagos an pag-play.

• I-drag patuo o pawala an Playhead tanganing makaduman sa ibang parte kan audio track.

• Sa mode na I-play nin Dagos-dagos o sa I-shuffle, i-click an Previous Track button tanganing makabalik sa sinundan na kanta.

• Sa mode na I-play nin Dagos-dagos o sa I-shuffle, i-click an Next Track button tanganing ma-play an sunod na kanta.

• I-click an Volume button tanganing ma-mute o ma-unmute an audio.

Magdadanay sa itaas kan screen an Audio Bar sa pag-scroll mo. Paagi kaiyan temporaryo mong mapupundo o mapi-play giraray an audio maski magsain ka sa page.

May duwang pagkadispley, o paagi, tanganing mahiling an mga kanta sa “Maugmang Magkanta” ki Jehova—an Grid View asin an List View.

• I-click an List View button tanganing mahiling an lambang numero asin titulo nin kanta na nakasunod-sunod pababa. Ini an default na format pagbukas mo.

• Mantang nasa List View, i-click an button na I-play kataid kan titulo nin kanta tanganing ma-play an kanta, o i-click an titulo tanganing mahiling an liriko.

• I-click an Grid View button tanganing mahiling an mga numero nin kanta na naka-grid. I-click an numero nin kanta tanganing mahiling an liriko.

Kun available online an mga liriko nin songbook, i-click an numero o an titulo kan kanta tanganing mahiling an liriko kaiyan.

• I-click an drop-down list tanganing mahiling an mga numero asin titulo nin kanta.

• I-type an numero nin kanta o an parte kan titulo tanganing mahiling sana an mga kantang igwa kaiyan.

• Pilion an kanta sa lista tanganing mahiling an liriko kaiyan.

Pilion an gusto mong pagkadispley kan liriko nin kanta:

• I-click an Text button para mahiling an liriko kan kanta sa format na text. Ini an default na format pagbukas mo. Paagi kaiyan maki-click mo an mga link nin teksto asin mahihiling an laog kaiyan. Mantang pini-play mo an audio nin sarong kanta, maha-highlight an porsiyon kan liriko na pini-play.

• I-click an Image button para mahiling an liriko kan kanta sa format na image. Mahihiling sa pagkadispley na ini an mga nota kan kanta. I-click an ritrato tanganing mabukasan iyan sa Image Viewer. I-adjust an kadakulaan kaiyan gamit an Zoom In asin Zoom Out button o an pinch asin zoom gesture kun puwede sa touch screen device mo.

• I-click an Video button para mahiling an video na may liriko.