Amavidio Umuli Amasambililo ya mu Baibolo Ayacindama
Muli aya mavidio ayepi, balyasuka amepusho yacindama aya fya mu Baibolo. Ifyabamo balifilandapo na muli broshuwa itila Imbila Nsuma Ukufuma Kuli Lesa!
Bushe Kwali Uwabumbile Umuulu ne Sonde?
Abantu abengi tabomfwikisha ifyo Baibolo ilanda pa bubumbo kabili balanda ati ifyo ilanda fyakwelenganya fye. Bushe ifyo Baibolo ilanda fya cine?
Bushe Lesa Alikwata Ishina?
Lesa alikwata amalumbo ayengi pamo nga Uwa Maka Yonse, Kabumba, na Shikulu. Lelo Lesa alikwata ishina ilyo balemba imiku 7,000 mu Baibolo.
Kuti Twaba Shani Ifibusa fya kwa Lesa?
Pa myaka iingi, abantu balafwaya ukwishiba Kabumba wabo. Baibolo kuti yamwafwa ukuba cibusa wa kwa Lesa. Tutendeka ukuba cibusa wa kwa Lesa nga twasambilila ishina lyakwe.
Nani Umwine wa Fyebo Fyaba mu Baibolo?
Bushe ifi abantu e balembele Baibolo, kuti twatila Baibolo “Cebo ca kwa Lesa”? Bushe ifyalembwa mu Baibolo fya kwa ani?
Bushe Baibolo Cebo ca kwa Lesa?
Nga ca kuti Lesa e walengele Baibolo ilembwe, ninshi ifwile ukucila ifitabo fimbi ifyabako.
Mulandu Nshi Lesa Apangiile Icalo?
Mu calo mwaliba ifintu ifisuma ifingi. Caba pa ntamfu iyalinga ukufuma ku kasuba, calibeyama bwino sana, kabili tacibutukisha nelyo ukushinguluka panono sana. Cinshi Lesa apangiile isonde ilisuma ifi?
Bushe Abafwa Baba Shani?
Baibolo yalilaya ukuti abafwa abengi bali no kubuushiwa nga filya fine Lasaro ababuushiwe.
Bushe Yesu Kristu Ni Lesa?
Bushe Yesu Kristu e Lesa wa Maka Yonse? Nelyo bushe Lesa na Yesu balipusana?
Mulandu Nshi Yesu Afwilile?
Ifyo Baibolo ilanda filanga ukuti imfwa ya kwa Yesu yalicindama sana. Bushe ca cine imfwa yakwe yalicindama?
Bushe Ubufumu bwa kwa Lesa ni Cinshi?
Ilyo Yesu ali pano isonde alesambilisha sana pa Bufumu bwa kwa Lesa ukucila pa lyashi ili lyonse. Pa myaka iingi abantu abengi balapepa ukuti ubu Bufumu bwise.
Ubufumu bwa kwa Lesa Bwatendeke Ukuteka mu 1914
Pa myaka ukucila pali 2,600 iyapita, Lesa alengele imfumu iyali iya maka ukulota iciloto icali busesemo ubulefikilishiwa muno nshiku.
Ifintu mu Calo Fyalyaluka Ukutula mu 1914
Ifyo ifintu fili mu calo ne fyo imibele ya bantu yaba ukutula mu 1914 filangilila ukuti ifyo Baibolo yasobele pa “nshiku sha kulekelesha” filefikilishiwa.
Bushe ni Lesa E Ulenga Amasanso Ukulacitika?
Abantu babili abaponenwepo na masanso nabalondolola ifyo basambilile muli Baibolo.
Mulandu Nshi Lesa Asuminishisha Ukucula?
Abantu abengi balepusha ico mu calo mwafulila ulupato no kucula. Mu Baibolo mwaliba amasuko kuli aya mepusho.
Bushe Lesa Alitemwa Imipepele Yonse?
Abantu bengi bamona kwati caliba fye bwino ukupepa ukuli konse.
Bushe Lesa Alakutika ku Mapepo Yonse?
Inga nga ca kuti umuntu alepepela fye ukuti ifintu fimuwamine? Nelyo umwaume uucusha umukashi wakwe e lyo alepepa ukuti Lesa amupaale? Bushe Lesa kuti akutika nga bapepa?
Bushe Umuntu nga Aletamba Ifye Shiku Ninshi Alebembukila Lesa?
Bushe ishiwi lya kuti “ifye shiku” emo lyaba na mu Baibolo? Kuti twaishiba shani ifyo Lesa omfwa pa ifye shiku?