ULWIMBO 150
Fwayeni Lesa pa Kuti Mukapusuke
-
1. Inko shaumfwana
Ati shilwishe Yesu.
Lesa ’tila ukuteka
Kwa bantunse nakupwa.
Ino nshita Kristu
Ni Mfumu ya ku muulu.
Alashonaula balwani
Bakwe bonse pa calo.
(KORASI)
Fwayeni Yehova Lesa,
Fwayeni ubulungami,
Kabili mube
Aba cishinka.
Mulenakila Yehova,
Na o akamupususha
Pantu wa maka.
-
2. Abantu pe sonde
Nomba kuti basala
Ukumfwa ku mbila nsuma
Nangula ukukaana.
Nangu batucushe,
Yehova alatwafwa
Nga twalilila kuli ena.
E co tushitiinina!
(KORASI)
Fwayeni Yehova Lesa,
Fwayeni ubulungami,
Kabili mube
Aba cishinka.
Mulenakila Yehova,
Na o akamupususha
Pantu wa maka.
(Moneni na 1 Sam. 2:9; Amalu. 2:2, 3, 9; Amapi. 2:8; Mat. 6:33.)
