IFYO BAIBOLO ILANDA: “Uwatumpa afumya icipyu cakwe conse, nomba uwa mano alacikaanya.”—Amapinda 29:11.

IFISUMA IFIFUMAMO: Nga ca kuti mwali no kulemba ifisuma ififuma mu kuba ne mibele ya kuilama, kuti mwanaka fye! Na kuba, ukuilama nako kulafwa ukuba no bumi ubusuma. Baibolo itila: “Umutima uwatekanya e bumi bwa mubili,” kabili ilanda no kuti, “umutima wa nsansa muti uusuma.” (Amapinda 14:30; 17:22) Lelo, abafwailisha basanga ukuti abantu abafulwa bwangu kabili abakali balalwala amalwele pamo nga ubulwele bwa ku mutima. Nomba mwaliba ifisuma na fimbi mu kuba no kuilama te kuba fye no bumi ubusuma.

Ba Cassius, abali ne myaka ukucila pali 30, batile: “Nalitemenwe ukumana na bantu kabili nalefulwa bwangu, kabili ilingi line nalebuusha ulubuli. Nshaleimona ukuti nalicindama. Nomba fyonse ifi fyalyalwike ilyo natendeke ukulakonka ifyo Baibolo isambilisha. Nalisambilile ukulama ubukali, ukuba uwaicefya no kulaelela bambi. Nga nshansambilile Baibolo, ino nshita nga naba mu cifungo. Ala ino nshita nga nalifwa, napuswike fye kwempe!”