Awe, tatubalesha. Icilonganino cesu tacipituluka mu mafilimu, amabuuku, nelyo inyimbo pa kuti cebe abantu besu ifyo bashilingile ukutamba, ukubelenga, nelyo ukukutikako. Mulandu nshi?

  Baibolo ikoselesha umuntu umo umo ukuba na “mano aya kulalekanya icalungama ne calubana.”—AbaHebere 5:14.

  Mu Baibolo mwaliba amashiwi ayo Umwina Kristu alingile ukutontonkanyapo nga ca kuti alefwaya ukusala ifya kuleseshamo icitendwe. a Nga filya fine tucita mu fintu fye fyonse, tufwaya ‘ilyo tushilacita icintu twabala twamona nga kuti casekesha Shikulu’—Abena Efese 5:10.

  Baibolo ifunda ukuti imitwe ya ndupwa balikwata amaka pa lupwa lwabo, kanshi nga balefwaya kuti balesha aba mu lupwa lwabo amafilimu yamo, amabuuku yamo, ne nyimbo shimo ilyo balelesha icitendwe. (1 Abena Korinti 11:3; Abena Efese 6:1-4) Lelo takwaba uwakwata amaka ya kulesha aba mu cilonganino abashili ba mu lupwa lwakwe ukulatamba amafilimu yamo, ukulakutika ku nyimbo shimo, nelyo ukulabelenga amabuuku yamo.—Abena Galatia 6:5.