?From Wanem Ol Witnes Blong Jehova Oli No Yusum Kros?
Plante man long wol oli talem se kros i saen blong olgeta Kristin skul. Nating se mifala ol Witnes blong Jehova mifala i Kristin, be mifala i no yusum kros long wosip blong mifala. ?From wanem?
Wan risen hemia from we Baebol i talem se Jisas Kraes i no ded long wan kros, be hem i ded long wan pos. Mo tu, Baebol i givim strong woning long ol Kristin se oli no mas “mekem wosip long ol narafala god.” Hemia i min se oli no mas yusum kros long wosip blong olgeta.—1 Korin 10:14; 1 Jon 5:21.
Mo tu, Jisas i talem se: “Nao from we yufala i stap lavlavem yufala, bambae olgeta man oli luksave se yufala i man blong mi.”(Jon 13:34, 35) Jisas i talem se ol man bambae oli luksave ol tru Kristin from lav we i pulum olgeta blong oli lego samting we olgeta nomo i wantem, blong mekem i gud long narafala, be i no from we oli yusum kros.