?Hu i Stap Mekem Samting We Jehova i Wantem?
Ol Witnes blong Jehova oli stap long fulwol. Oli kamaot long ol defdefren laen mo ol defren kaen laef. ?Wanem i mekem se oli save joen gud?
?Wanem Samting We God i Wantem?
God i wantem se ol man long olgeta ples long wol oli save samting we hem i wantem. Wanem samting ya we God i wantem, mo hu olgeta we oli stap talemaot long ol man?
STORI 1
?Ol Witnes Blong Jehova Oli Wanem Kaen Man?
?Yu yu save sam Witnes blong Jehova? ?Wanem samting we yu yu rili save long saed blong mifala?
STORI 2
?From Wanem Oli Tekem Nem Ya Witnes Blong Jehova?
I gud yumi luk tri risen from wanem oli tekem nem ya.
STORI 3
?Oli Faenem Trutok Blong Baebol Olsem Wanem?
?Olsem Wanem? ?Ol Witnes blong Jehova oli kasem save stret long samting we Baebol i tijim?
STORI 4
?From Wanem Oli Wokem Niu Wol Translesen Baebol?
?From wanem translesen blong Baebol ya i spesel?
STORI 5
?Yu Kasem Wanem Long Ol Miting?
Yumi joen tugeta blong stadi long Baebol, mo leftemap tingting blong yumi. Mifala i glad tumas sipos yu kam!
STORI 6
?From Wanem Yumi Joen Wanples?
Tok blong God i givhan long ol kristin brata mo sista. Yu save luk se gudfala samting i save kamaot taem yu joen wetem ol kaen man olsem.
STORI 7
?Ol Miting Oli Olsem Wanem?
?Yu yu tingbaot finis se wanem i stap hapen long ol miting blong mifala? Bambae yu sapraes long nambawan tijing we yu kasem long Baebol.
STORI 8
?From Wanem Yumi Jenis Gud Blong Kam Long Miting?
?God i tinghae long wanem we yumi werem? Lanem samting we ol rul blong Baebol oli talem blong yumi save jusum ol klos we i klin mo i stret.
STORI 9
?Olsem Wanem Blong Rerem Ol Miting?
I gud yu rerem miting blong yu. Long rod ya, bambae yu save kasem plante gudfala samting.
STORI 10
?Famle Wosip i Wan Taem Blong Mekem Wanem?
Faenemaot olsem wanem plan ya i save givhan long yu blong kam klosap moa long God mo blong famle i joen gud.
STORI 11
?Ol Asembli Oli Givhan Long Yumi Olsem Wanem?
Evri yia, yumi joen wanples blong tri spesel taem. ?Ol asembli oli givhan long yu olsem wanem?
STORI 12
?Yumi Folem Wanem Plan Long Wok Blong Prij?
Yumi mekem olsem Jisas taem hem i stap long wol. ?Wanem sam long ol fasin blong prij?
STORI 13
?Wanem Ya Wan Paenia?
Sam Witnes oli spenem 30, 50 o samtaem moa long wan manis blong prij. ?Wanem i pulum olgeta?
STORI 14
?Wanem Ol Baebol Skul We Ol Paenia Oli Save Go Long Olgeta?
?Wanem spesel trening blong olgeta we oli talemaot Kingdom fultaem?
STORI 15
?Ol Elda Oli Mekem Wanem Wok?
Ol elda oli fren gud wetem Jehova, taswe oli naf blong lukaot long ol man blong God mo lidim olgeta. ?Oli mekem wanem wok blong givhan long yumi?
STORI 16
?Ol Man Blong Givhan Oli Mekem Wanem Wok?
Ol man blong givhan oli givhan gud long kongregesen. ?Olsem wanem ol wok we oli mekem i givhan long olgeta we i kam long miting?
STORI 17
?Olsem Wanem Ol Eria Elda Oli Givhan Long Yumi?
?From wanem ol eria elda oli visitim ol kongregesen? ?Oli save givhan long yu olsem wanem?
STORI 18
?Taem i Gat Wan Disasta, Yumi Mekem Wanem?
Taem disasta i kasem wan ples, wantaem nomo yumi mekem plan blong serem samting blong givhan mo serem ol tok blong Baebol we i leftemap tingting blong ol man. ?Olsem wanem?
STORI 19
?Hu Ya Gudfala Slef We i Waes?
Jisas i promes se bambae hem i putumap wan slef we i givim kakae we yumi nidim long stret taem. ?Olsem wanem?
STORI 20
?Hed Kampani i Mekem Wanem Wok?
Long taem bifo, wan smol grup blong ol man mo aposol oli wok olsem hed kampani blong kongregesen blong ol Kristin. ?Olsem wanem tede?
STORI 21
?Betel Hem i Wanem?
Betel i wan spesel ples we wan bigfala famle i wok had blong givhan long ol narafala. Faenem moa save long saed blong olgeta we oli wok long Betel.
STORI 22
?Oli Mekem Wanem Wok Long Branj Ofis?
Eniwan i save kam visitim Betel. I gud yu mekem olsem.
STORI 23
?Olsem Wanem Ol Witnes Oli Wokem Ol Buk?
Mifala i wokem ol buk long bitim 750 lanwis. ?From wanem mifala i wok had olsem?
STORI 24
?Ol Witnes Oli Kasem Mane Olsem Wanem?
Long saed blong kasem mane, wanem i mekem se ol Witnes blong Jehova oli defren long ol narafala skul?
STORI 25
?Olsem Wanem Ol Witnes Oli Wokem Ol Haos Kingdom, Mo From Wanem?
Ol Witnes oli yusum Haos Kingdom blong mekem wanem? Faenem moa save long saed blong ol Haos Kingdom ya we oli givhan long ol kongregesen blong mifala.
STORI 26
?Olsem Wanem Ol Witnes Blong Jehova Oli Lukaot Gud Long Haos Kingdom Blong Olgeta?
Wan Kingdom Haos we i klin mo i no brobrok i presem God blong yumi. ?Yumi folem wanem plan blong mekem Haos Kingdom i stap klin?
STORI 27
?Laebri Blong Haos Kingdom i Save Givhan Long Yu?
?Yu yu wantem lukaot moa save long Baebol? Yu save yusum laebri blong Haos Kingdom.
STORI 28
?Bambae Yu Faenem Wanem Long Websaet Ya jw.org?
Faenem moa long saed blong mifala mo bilif blong mifala. Yu save faenem tu ansa blong ol kwestin blong yu we i kamaot long Baebol.
?Bambae Yu Yu Mekem Samting We Jehova i Wantem?
Jehova God i rili lavem yu. ?Olsem wanem yu save soemaot se yu wantem mekem Hem i glad long laef blong yu evri dei?
