AN KA ƝƐNAMAYA KƐ IKO KRECƐNW
I yɛrɛ ye iko Jehova bɛ i ye cogo min na
Jehova “diyaɲe fɛn ye a ka mɔgɔw ye”. (Zaburu 149:4) Hali ni an ye mɔgɔ dafabaliw ye, Jehova bɛ an jogo ɲumanw ani an sekow ye. Nka tuma dɔw la, a bɛ se ka gɛlɛya anw bolo ka an yɛrɛw jogo ɲumanw ye. Mɔgɔ tɔw bɛ an minɛ cogo min na, o bɛ se ka an bila an k’a miiri ko nafa tɛ an na. Walima ni an bɛ an sinsin an ka jurumu kɔrɔw kan, o bɛ se ka an bila an ka siga Jehova ka kanuya la ka ɲɛsin an ma. Mun de bɛ se ka an dɛmɛ ni o miirina suguw nana an na?
An ka an hakili to a la ko Jehova bɛ fɛnw ye Hadamadenw tɛ se ka minnu ye. (1 Samuɛl 16:7) O b’a jira ko hali Jehova bɛ fɛnw ye anw na, anw yɛrɛ tɛ se ka minnu ye an yɛrɛ la. An bɛ barika da Ala ye ko, Bibulu bɛ an dɛmɛ an k’a faamu Jehova bɛ an ye cogo min na. An bɛ se ka o faamu ni an bɛ Bibulu tɛmɛsiraw ani Bibulu maanaw kalan minnu b’a jira Jehova bɛ a batobagaw kanu fo ka se hakɛ min ma.
NIN WIDEYO LAJƐ: I HAKILI SIGI JEHOVA ƝƐ KƆRƆ, O KƆ AW KA NIN ƝININKALI NINNU JAABI:
-
Jehova bɛ an ye cogo min na, ɲɔgɔndan bolikɛla ni a fa ka ɲɛjirali bɛ an kalan mun de la o ko la?
-
Ni mɔgɔ dɔ ye jurumuba dɔ kɛ, ko minnu ka kan ka kɛ walasa ka a ni Jehova cɛla dilan, ni o tigi y’o bɛɛ kɛ, o tigi bɛ se ka a hakili sigi cogo di Jehova ɲɛ kɔrɔ?—1 Yuhana 3:19, 20
-
Balimakɛ ye Dawuda ani Josafat ka maanaw kalan ani k’a hakili jagabɔ u kan, o ye nafa jumɛn lase a ma?
