Bibulu, ni o fana bɛ wele ko Sɛbɛnni Senumanw, hakilitigiya kuma caman bɛ sɔrɔ a kɔnɔ. O n’a ta bɛɛ, a lajɛ Bibulu bɛ min fɔ a yɛrɛ kan: “Kitabu kuma bɛɛ kɛra a sɛbɛnnikɛlaw kɔnɔ Ala dafiɲɛ fɛ” (2 Timote 3:16) Dalilu caman b’a jira ko o kumaw ye tiɲɛ ye. An ka nin fɛn ninnu sɛgɛsɛgɛ:

• Mɔgɔ si ma se k’a jira ko Bibulu kumaw tɛ tiɲɛ ye tariku sira kan.

• Bibulu sɛbɛnbagaw tun ye cɛ laadiriw ye minnu ye sɛbɛnni kɛ ni dusukun jɛlenya ye. U ka kɔnɔnajɛlenya y’a to u ye fɛnw sɛbɛn ni tiɲɛ ye.

• Bibulu barokun bɛ fɛn kelen de kan: Ni o ye k’a jira k’a jɛya ko yamaruya bɛ Ala bolo ka hadamadenw mara ani Ala ka kuntilenna dafali a ka sankolola Masaya sababu fɛ.

• Hali k’a sɔrɔ Bibulu sɛbɛnna a bɛ san ba caman bɔ, hakilina kolon minnu tun jɛnsɛnnen bɛ sciensi sira la kabini lawale la olu tɛ sɔrɔ a kɔnɔ.

• Gafe minnu bɛ kuma tarikuw kan olu y’a jira k’a jɛya ko Bibulu kirayakumaw walima ko a ye ko minnu fɔ ko olu ye tiɲɛ ye.