Atata’a ya ngabe 2
Amu jé Yéhôva a nga tyame si melu me Noé a zene ya ndône mendim? Kalate Zambe a kate bia na, bone mimbu mi mbe mi lôteya nté ane Yéhôva a nga té yôp a si, ane bita bi nga bôlan e zañe Satan a Zambe. Bôt béziñ ane Adam, Ève, a mone wop Caïn be nga tobe na ba ke ngame Satan. Ane bôt be nga taté na ba bo mbia be mam, nalé a nga tindi Zambe na, a tyame mbia émo ate. Ngabe nyi ja ye volô bia na, bi yeme na Yéhôva a yene ngame môt ase ya be bia a top, a na, a vo’o jô’é môs éziñ na abé nde é dañ.
NGABE NYI
ÑYE’ELAN 3
Adam ba Ève be nga bo Zambe melo
Élé ya zañ afube Éden é mbe ngum aval, amu jé? Amu jé Eve a nga di ébuma ya élé te?
ÑYE’ELAN 4
Ôlune wo tindi nye na a wôé môt
Zambe a nye’e metuna’a me Abel, ve a vini ma me Caïn. Éyoñe Caïn a yemeya de, a wô’ô mbia ôlun, a tyi’i na a zu bo mbia jam.
ÑYE’ELAN 5
Arche Noé
Éyoñ beéngele be nga bo éngana’a be nga lu’u binga, bone be nga biaé a binga bete be mbe mbia ngul a njet. Ane évô é nga jaé si ne lut. Ve Noé nye a nji be nalé—A mbe a nye’e Zambe, a bo’o fe nye mewôk.
ÑYE’ELAN 6
Bôte mwôm ba nyiine mfefé si
Mveñ é nga noñ tañe melu 40. Nde Noé a nda bôte jé be nga bo mbu wua a mvuk e arche été. Ane be nga su’ulane kui nseñ.
