Ye Bengaa be Yéhôva ba tyili avale befilm éziñ, bekalate nge avale bia éziñ?
Téké’é. Môt éziñ ya be bia a nji jô na bia yiane sa’ale mingumba befilm, bekalate nge bia. Amu jé?
Kalate Zambe a jô môt ase ya be bia na, a belane fe’e jé asu na a “yemelane jôm é ne abé a ji é ne mvaé.”—Hébre 5:14, Kalate Zambe Mfefé Nkôñelan.
Kalate Zambe a volô Kristen ase na a yeme tobe befilm aye yen, bekalate aye lañe nge bia a kômbô wok. * Mam mese bi abo, bia tate jeñe na bi “fase mam Zambe a yene mvaé.”—Bôte ya Efeze 5:10, Kalate Zambe Mfefé Nkôñelan.
Kalate Zambe a ye’ele na, ntebe ôsu ya nda bôt a ne ngule ya tyili bôte be too nda jé na, be bo te bo aval mam éziñ éyoñ ba vôé. (1 Becorinthien 11:3; Beéphesien 6:1-4) Nge ô vaa nda bôt, môt éziñe mfe ya akônda a nji bi ngule ya tyili bôte bevok avale befilm éziñ, bekalate nge avale nyiane bia éziñ.—Begalate 6:5.
^ É.N. 3 Ane éyoñ Kalate Zambe a tyili na bi sa’ale jôme ése ja wumulu mimboane mimbia minsisim, ébamba nge éngôgôm.—Deutéronome 18:10-13; Beéphesien 5:3; Becolossien 3:8.
