1. Be mèn netsin mbwe Yaweh Nsi,

Nke ndaʼde nkôni ntù ntshùʼ.

Mba ghakwénta, kuaʼ tse nenùn,

Be tshwèt ndiag nelèn ntshùʼ tse.

A ke nsi mfà ntag nefù ben,

Be tshwèt nze njoñ ntag mi fa.

Yab ntùʼo num Nsi, a Nsi nenùn.

Be ke nsi tsin nekô i.

2. Be mèn netsin mbwe ba fètfèt,

Ngelañ ngeʼ, kà lo mbañ bo.

Be ngatshàmndèn, mbe mèn nenùn,

Ghù bwôntù ntùm ntshob boa mfaʼ.

Be ghù nkôni mfà num fètfèt

Mbèn nke nkuʼni yub ntù ntshùʼ.

Be mèn netsin, be kuaʼ shun ntùn,

Mfagde ke nsi be nʼtèt ben.

3. Be mèn netsin, njuʼ ghakwémbwe

Ngelañ bo tshwèt ntshagde ben.

Be tshwèt njuʼ ntshu, mfiʼde bamntù,

Ngelañ bo fà ntag ben nà.

Ndùlà mbotni fe Yaweh Nsi

Nañ num ben, nso kù num ben.

Be lat num Nsi, nta ntùm bamntù,

Mba bʼaʼ be bon Yaweh Nsi.