1. Zi tshùalo, mbèn ngô ntùm bamntù,

Kagtùn fènde nèn miagde.

Nèn ke bot bo ngùʼ mba fènntù,

Oaʼ maʼ ntshùa kà ghù magde.

Be tshwèt nzin num ntshùʼ Yésu fà là;

Njéʼde num i ntshùb bamntù neta.

2. Zi tshùalo, mbèn nzede mebwô,

Nke ngù fiag wut nejuʼ ntshu.

Bam mbe Yésu Kristô tshagdʼo

Bo ze ngafaʼ ze nenùne.

Juʼ ntag ghakwémbwe, ghatshagde zin,

Bo tshwèt ndôde njùmbwe num yub bin.

 3. Zi tshùalo, ke lagde ntseʼde

Nèn mbwe nsoñ mbwô nkùn Nufen.

Mba tà ndù ghakebàn leʼ ben,

Be aʼ soñ lén zebe Mven.

Seʼ bag bin tamde ngamde Tshùaben

Léʼnjù Yaweh Nsi yà be nzendà!