Ziʼde tshu tsʼo tswide là kuaʼ mebwô. Diag nejuʼ yu tu ntshob mebwô mba oa kuʼni nebagdʼé bo miag ntshob tsʼa fiage, mbèn nke nkoʼ à ntù o là.

Loʼ ba nka ntshob tsʼa vôg mbèn fiag là mfaʼ yi. Mba tà ndù bo keʼ tshùʼ nka ntshob tsʼa sag là, tswide tshu ndùb à bo nka ntshob tsʼa vôg mbèn ntsin nà.

Bagde miag ntshob bo keʼ be toʼ njuʼ là. Kà loʼ miag ntshob tse ben bo tshwèt njuʼ o là keʼ lèn mebwô là mfaʼ yi. A be zʼoaʼ loʼ miag ntshob bo keʼ be toʼ njuʼ là mfaʼ yi là, kʼa be ndén benntùn ntùm Ñwaʼni Nsi, mat nefiʼ ju ngelañ mbwe, ke mat tañlaʼ lo, fà mbagde mi.