LEKSIYON 17
Unsay Kinaiya ni Jesus?
Samtang magkadaghan ang atong makat-onan bahin sa giingon ug gihimo ni Jesus dinhi sa yuta, atong makita ang iyang mga hiyas nga mas makapasuod nato niya ug sa iyang Amahan, si Jehova. Unsa ang pipila sa maong nindot nga mga hiyas? Ug sa unsang paagi masundog nato si Jesus?
1. Sa unsang mga paagi nga si Jesus parehas sa iyang Amahan?
Sa langit, gipanid-an ni Jesus ang iyang mahigugmaong Amahan ug siya nakakat-on kang Jehova sulod sa binilyong katuigan. Ingong resulta, ang iyang panghunahuna, pagbati, ug paggawi parehas gyod sa iyang Amahan. (Basaha ang Juan 5:19.) Gani, nasundog gyod pag-ayo ni Jesus ang personalidad sa iyang Amahan mao nga siya miingon: “Kadtong nakakita kanako nakakita usab sa Amahan.” (Juan 14:9) Samtang magkadaghan ang imong nahibaloan bahin sa personalidad ni Jesus, mas mailhan nimo si Jehova. Pananglitan, ang pagmahal ni Jesus sa mga tawo nagpakita nga gimahal ka pag-ayo ni Jehova.
2. Giunsa pagpakita ni Jesus nga gihigugma niya si Jehova?
Si Jesus miingon: “Aron mahibalo ang kalibotan nga gihigugma nako ang Amahan, akong ginabuhat ang gisugo kanako sa Amahan.” (Juan 14:31) Sa dinhi si Jesus sa yuta, iyang gipakita ang iyang dakong gugma sa iyang Amahan pinaagi sa pagsunod Kaniya bisan dihang lisod ning himoon. Ganahan pod si Jesus nga maghisgot bahin sa iyang Amahan ug gusto niyang tabangan ang uban nga mahimong higala ni Jehova.—Juan 14:23.
3. Giunsa pagpakita ni Jesus nga iyang gihigugma ang mga tawo?
Ang Bibliya nag-ingon nga ‘labawng gikalipayan [ni Jesus] ang katawhan.’ (Proverbio 8:31, footnote) Iyang gipakita ang iyang gugma pinaagi sa pagdasig sa mga tawo ug pagsakripisyo aron tabangan sila. Naghimo siyag mga milagro nga nagpakita dili lang sa iyang gahom kondili sa iyang kaluoy pod. (Marcos 1:40-42) Buotan siya sa mga tawo ug patas ang iyang pagtratar kanila. Ang iyang gitudlo naghatag ug kahupayan ug paglaom sa tanang sinserong tawo nga naminaw. Si Jesus andam moantos ug mamatay tungod sa iyang gugma para sa katawhan. Pero mas gihigugma niya kadtong nagsunod sa iyang mga pagtulon-an.—Basaha ang Juan 15:13, 14.
TUN-IG DUGANG
Tun-ig dugang ang personalidad ni Jesus. Ug sayra kon unsaon pagpakitag gugma ug pagkamahinatagon sama sa iyang gihimo.
4. Gihigugma ni Jesus ang iyang Amahan
Ang ehemplo ni Jesus nagtudlo kon unsaon nato pagpakita ang atong gugma sa Diyos. Basaha ang Lucas 6:12 ug Juan 15:10; 17:26. Human mabasa ang matag teksto, hisgoti kini nga pangutana:
-
Agig pagsundog kang Jesus, unsaon nato pagpakita nga gihigugma nato si Jehova?
Gihigugma ni Jesus ang iyang langitnong Amahan ug pirme siyang makig-estorya kaniya pinaagig pag-ampo
5. Si Jesus nagpakitag kaluoy niadtong nanginahanglan
Giuna ni Jesus ang panginahanglan sa uban kay sa iyang kaugalingon. Bisan dihang gikapoy siya, gigamit niya ang iyang panahon ug kusog sa pagtabang sa mga tawo. Basaha ang Marcos 6:30-44, ug dayon hisgoti kini nga mga pangutana:
-
Niini nga asoy, giunsa pagpakita ni Jesus ang iyang kaluoy sa uban?—Tan-awa ang bersikulo 31, 34, 41, ug 42.
-
Unsay nagpalihok kang Jesus sa pagtabang sa mga tawo?—Tan-awa ang bersikulo 34.
-
Kay gisundog ni Jesus ang mga hiyas ni Jehova, unsay gitudlo niining tanan kanimo bahin kang Jehova?
-
Unsaon nato pagsundog ang pagpakitag kaluoy ni Jesus sa uban?
6. Si Jesus mahinatagon
Si Jesus mahinatagon bisan pag dili siya dato, ug iya tang gidasig nga magmahinatagon. Basaha ang Buhat 20:35, ug dayon hisgoti kini nga pangutana:
-
Sumala ni Jesus, sa unsang paagi ta magmalipayon?
I-play ang VIDEO, ug dayon hisgoti ang mosunod nga pangutana:
-
Unsa ang mga paagi nga makahatag ta, bisan pag dili ta dato?
Nahibalo ba ka?
Gitudloan ta sa Bibliya nga mag-ampo kang Jehova sa ngalan ni Jesus. (Basaha ang Juan 16:23, 24.) Dihang mag-ampo ta nianang paagiha, gipakita nato nga atong giila ang gihimo ni Jesus sa pagtabang nato nga mahimong higala ni Jehova.
ANG UBAN MOINGON: “Wala may pagmahal ang Diyos nato kay wala man siyay pagtagad sa atong pag-antos.”
-
Kay gisundog ni Jesus ang mga hiyas sa iyang Amahan, sa unsang paagi ang iyang gihimo nagpamatuod nga gimahal ta ni Jehova?
SUMARYO
Gihigugma ni Jesus si Jehova ug ang mga tawo. Gisundog ni Jesus ang iyang Amahan, mao nga kon mas mailhan nimo si Jesus, mas mailhan pod nimo si Jehova.
Review
-
Unsaon nato pagpakita nga atong gihigugma si Jehova, sama sa gihimo ni Jesus?
-
Unsaon nato pagpakita nga atong gihigugma ang mga tawo, sama sa gihimo ni Jesus?
-
Unsang hiyas ni Jesus ang pinakaganahan nimo?
SUSIHA
Sayra ang pipila sa mga hiyas ni Jesus nga atong masundog.
“Sundoga si Jesus, Siya . . .” (Jesus—Ang Dalan, ang Kamatuoran, ang Kinabuhi, panid 317)
Sayra kon nganong ang atong pag-ampo angayng pinaagi sa ngalan ni Jesus.
“Nganong Mag-ampo sa Ngalan ni Jesus?” (Ang Bantayanang Torre, Pebrero 1, 2008)
Naa bay gisulti ang Bibliya kon unsay hitsura ni Jesus?
Unsay atong makat-onan sa pagtratar ni Jesus sa mga babaye?
“Pagtahod ug Dignidad Ubos sa Pag-atiman sa Diyos” (Ang Bantayanang Torre, Septiyembre 1, 2012)
Basin Ganahan Pod Ka
KOMON NGA MGA PANGUTANA
Unsa ang Bible Study Program nga Gina-offer sa mga Saksi ni Jehova?
Sa libreng interactive program nga gina-offer sa mga Saksi ni Jehova, puwede nimong gamiton ang bisan unsang bersiyon sa Bibliya. Puwede nimong paapilon ang tibuok pamilya o mga amigo o amiga.
