Unsay Giingon sa Bibliya?
Dunggon ba sa Diyos ang tanang pag-ampo?
MOINGON KA BA NGA DUNGGON NIYA ANG PAG-AMPO SA . . .
Tanang tawo
Ubang tawo
Wala siyay dunggon
ANG GIINGON SA BIBLIYA
“Si Jehova haduol kanilang tanan . . . nga nagatawag kaniya sa kamatinud-anon.”—Salmo 145:18.
UNSA PAY ATONG MAKAT-ONAN SA BIBLIYA?
Dili mamati ang Diyos sa mga pag-ampo niadtong mosupak kaniya. (Isaias 1:15) Pero, makahimo sila sa ‘pagtul-id sa mga butang’ uban kaniya pinaagi sa pagbag-o sa ilang kinabuhi.—Isaias 1:18.
Dunggon lang sa Diyos ang pag-ampo kon kini nahiuyon sa iyang mga sugo nga anaa sa Bibliya.—1 Juan 5:14.
Unsay hustong posisyon dihang mag-ampo?
ANG UBAN NAG-INGON nga kinahanglang magluhod, magduko, o magdapat ang duha ka palad dihang mag-ampo. Unsay imong hunahuna?
ANG GIINGON SA BIBLIYA
Gidungog sa Diyos ang mga pag-ampo niadtong ‘naglingkod’ o ‘nagtindog’ o niadtong “naghapa” o “nagluhod.” (1 Cronicas 17:16; 2 Cronicas 30:27; Esdras 10:1; Buhat 9:40) Siya wala maghatag ug sugo kon unsay espesipikong posisyon dihang mag-ampo.
UNSA PAY ATONG MAKAT-ONAN SA BIBLIYA?
Ang Diyos mamati niadtong mga mapainubsanon.—Salmo 138:6.
Makaampo ka bisag unsay imong pinulongan, o bisan sa hilom.—2 Cronicas 6:32, 33; Nehemias 2:1-6.
Basin Ganahan Pod Ka
TUBAG SA MGA PANGUTANA BAHIN SA BIBLIYA
Tabangan ba Ko sa Diyos Kon Moampo Ko?
Nagtagad ba gayod ang Diyos sa atong mga problema?
ANG BANTAYANANG TORRE
Angay Ka Bang Moampo?
Ang Diyos makatubag sa mga pag-ampo bisag wala siyay himoong milagro.
TUBAG SA MGA PANGUTANA BAHIN SA BIBLIYA
Nganong Wala Dungga sa Diyos ang Ubang Pag-ampo?
Sayra kon unsang matanga sa pag-ampo ang dili dunggon sa Diyos ug unsang matanga sa mga tawo ang dili pamatian sa Diyos.
