Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 27. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Diin paadtoa ni Jesus ang tawong buta sa pagpanghilam-os aron makakita? (Juan 9:7)

2. Diin hagita ni Satanas si Jesus sa pag-ambak aron luwason siya sa mga manulonda? (Mateo 4:​5, 6)

3. Nganong nagpakiluoy man ang mga panon sa katawhan kang Jesus “nga makahikap lang unta sila sa borlas sa iyang panggawas nga besti”? (Mateo 14:​35, 36)

4. Unsang substansiyaha ang gigamit sa karaang mga panahon dili lang sa paglimpiyo sa mga besti kondili sa paglunsay usab sa mga metal sama sa tingga ug plata? (Isaias 1:25)

5. Unsang mga ngalana ang gihatag ngadto sa panganayng anak nga lalaki ni Rebeca, ug ngano? (Genesis 25:​25, 30)

6. Unsang mga kinahanglanon ang gilatid ni Jehova maylabot sa pagpili ug 12 ka espiya nga ipadala ngadto sa yuta sa Canaan? (Numeros 13:2)

7. Diing nasora gisulat ni Pablo ang iyang sulat ngadto sa mga Hebreohanon? (Hebreohanon 13:24)

8. Sa unsang Hudiyohanong bulan nahuman ni Solomon ang pagtukod sa templo? (1 Hari 6:38)

9. Kinsa ang duha ka lalaki nga misangga sa mga kamot ni Moises hangtod nga si Jehova naghatag sa Israel sa kadaogan batok sa mga Amalekanhon? (Exodo 17:12)

10. Unsang insektoha ang nailhan tungod sa kakugihan ug kinaiyanhong kamaalamon niini? (Proverbio 6:6)

11. Inay moadto sa Nineve ingon sa gisugo ni Jehova, diin misulay sa pagkalagiw si Jonas? (Jonas 1:​2, 3)

12. Diin tukora ni Moises ang tabernakulo? (1 Cronicas 21:29)

13. Tungod kay wala sila bahini ug yuta, sa unsang paagi gitagana ang mga panginahanglan sa mga Levihanon? (Numeros 18:21)

14. Sa adlaw sa iyang pagkabanhaw, diin mipakita si Jesus kang Cleopas ug sa usa ka kaubang tinun-an? (Lucas 24:13)

15. Kinsay gipili ni Jehova ingong pangulo sa mga artesano sa pagtukod sa tabernakulo? (Exodo 31:1-11)

16. Unsang terminoha ang subsob nga gigamit ni Pablo sa pagtumong niadtong naghago uban kaniya? (Filipos 4:3)

17. Nganong gisugo ni Jehova ang mga Israelinhon sa pagtaod ug mga borlas sa sidsid nga adunay asul nga kordon ibabaw sa borlas sa ilang mga besti? (Numeros 15:37-40)

18. Unsang kahoya ang gigamit sa paghimo sa duha ka kerubin ug sa mga pultahan sa Labing Balaan? (1 Hari 6:​23, 31)

19. Sumala sa girekord ni Zacarias, unsang mga pulonga ang gigamit ni Jehova sa pag-ilustrar kon unsay Iyang gibati sa dihang daogdaogon ang Iyang katawhan? (Zacarias 2:8)

20. Kinsay amahan ni Jezebel? (1 Hari 16:31)

21. Nganong gisulayan man ni Pilato pagbuhi si Jesus? (Lucas 23:4)

 Mga Tubag sa Pasulit

1. Sa linaw sa Siloam

2. Sa ibabawng bahin sa paril sa templo

3. Buot nilang maayo sa ilang mga balatian

4. Lihiya (sodium carbonate o potassium carbonate)

5. “Esau” tungod sa iyang talagsaong balhiboon nga dagway sa iyang pagkatawo ug “Edom” tungod sa pulang sabaw nga lentihas diin ilis niana iyang gibaligya ang iyang katungod sa pagkapanganay

6. “Usa ka lalaki alang sa matag tribo sa iyang mga amahan, ang matag usa maoy usa ka pangulo sa ilang taliwala”

7. Italya

8. Bul, ang ikawalong bulan sa sagradong kalendaryo

9. Si Aaron ug Hur

10. Ang hulmigas

11. Tarsis

12. Sa kamingawan

13. Ang ikanapulong bahin sa tanang abot sa yuta ug sa mga baka gihatag kanila sa ubang mga tribo

14. Sa dalan paingon sa Emmaus

15. Bezalel ug Oholiab

16. ‘Akong mga isigkamagbubuhat’

17. Aron sa pagpahinumdom kanila nga sila maoy usa ka balaang katawhan alang kang Jehova ug angayng motuman sa iyang mga sugo

18. Kahoyng oleifero

19. “Siya nga nagahilabot kaninyo nagahilabot sa kalimutaw sa akong mata”

20. Etbaal, ang hari sa mga taga-Sidon

21. Wala siyay nakaplagang salaod kaniya