1. Apéchékkúlafengenikich

Le tuppwél lón angangen Kot,

A alapaaló ach ririin tong;

Féfféréch wato tipeeú.

Ewe tong lein néún Kot aramas

Wato pwora le likiitú.

Ach mwichefel leenien túmún,

Leeniach mi núkúnúkéch.

2. Apéchékkúl lón fansoun mi fich

A ifa me ekinamween!

Sa rong ekkeei kapasen ourur

Ren pwiich mi tuppwél, aúchea.

Múrinnéén ach angang me iir mi

Léllé ach ápilúkúlúk!

Apéchékkúlafengenikich

Me uweifengeni osach.

3. Ren ach lúkú sia kan kúna

Kkanotoon ránin Jiowa,

A lamot sipwe mwimmwichfengen

Pwe epwe wor ach péchékkúl.

Tip eú me néún Jiowa kewe,

Amwo sa angang feilfeiló.

Apéchékkúlafengenikich

Le kamwéch ’letin ach tuppwél.