KANTIK 134
Zanfan, en leritaz sorti kot Bondye
-
1. Kan en zonm i vin en papa,
En madanm i donn nesans en zanfan,
Fodre rapel, sa vre leritaz,
Pa zis pour zot, zot de selman.
Se en kado donnen par Bondye,
Sa sel vre sours lanmour pir ek lavi.
Gidans parfe, i donn tou paran.
Avek lasazes, fer li grandi.
(REFREN)
Zot ganny konfye leritaz sakre.
Kado presye dan zot lanmen.
Fer zot zanfan sa pli gran kado,
Montre li sa sel vre semen.
-
2. Tou parol ki Bondye in dir
Dan fon zot leker fodre i grave.
Pour transmet li avek zot zanfan,
Sa i ou rol, pran li serye.
Koz avek zot ler ou pe marse,
Kan ou leve e kan ou al dormi.
Ki zot rapel li tou zot lavi
E reste fidel e ganny beni.
(REFREN)
Zot ganny konfye leritaz sakre.
Kado presye dan zot lanmen.
Fer zot zanfan sa pli gran kado,
Montre li sa sel vre semen.
(Vwar osi Det. 6:6, 7; Efe. 6:4; 1 Tim. 4:16.)
