CÂN 141
Gwyrth Bywyd
(Salm 36:9)
-
1. Bywyd plentyn bach, cread gloyw-liw,
Haul a glaw a chnwd y maes, golwg a chlyw—
Rhoddion cariad ŷnt i’r ddynoliaeth fyrdd;
Gwyrthiau lu sy’n dangos inni nerth Duw a’i ffyrdd.
(CYTGAN)
Pan ddaw i’n meddiant ni’r fath ryfeddol rodd,
Diolch wnawn i’n Tad cariadus; ein calon gyffrôdd.
Mae caredigrwydd Duw tu hwnt i’n hamgyffred.
Rhodd heb ei haeddu yw rhyfeddod bod a byw.
-
2. Colli gobaith wna rhai o’r ddynol ryw,
Mae’n well ganddynt, fel gwraig Job, felltithio Duw.
Nid fel hyn wnawn ni; moliant iddo rown,
Ac â chalon werthfawrogol o’i flaen y down.
(CYTGAN)
Pan ddaw i’n meddiant ni amhrisiadwy rodd,
Caru wnawn ein hannwyl deulu; ein calon gyffrôdd.
Mae caredigrwydd Duw tu hwnt i’n hamgyffred.
Rhodd heb ei haeddu yw rhyfeddod bod a byw.
(Gweler hefyd Job 2:9; Salm 34:12; Preg. 8:15; Math. 22:37-40; Rhuf. 6:23.)
