ˈˈTAN 148
Zoova ˗yö mɛn ˗dha
(2 Samuel 22:1-8)
-
1. Zoova ˗Zlan bhi dosɛnŋ ˈnën ˈü ˗Zlan ꞊dede ˈka!
Ü ˗dapë ˗nu ˗wo ꞊va,
˗wo ˗dhɛ ꞊gban ˈgü ˈˈkpɔnŋ ꞊taa.
˗Zlan ˈwo ˗dho ˗a ˗zɔn ü ˈka, ˗yö ˗dho ˈgo ˈˈmɛn?
Ü dosɛnŋ.
Bhi ˈnën ˈü man˗ ˗Zlan ˈka.
(˗A ˈKUN ˗KƆ)
N ˗bindhɛ, n Dë Zoova, bhi ˈü mɛn dha,
Ü gbamɛn ˈwo ˗klu ü ˗bha, wo ˈnën ˈü ˗an dha.
˗Yö n ˗dhɛ ˗së kö ˈa ü ˈtɔ bhɔ
n ꞊faan ˈˈplɛ ˈka.
˗Zoyödhe ˈka, a ˗dho ü ˈtɔ bhɔ
˗dhɛ ˈsaadhö ˈgü.
-
2. ˈMan kë ˈwɔn ˈˈgbɩɩ˗ ˗nu ˈgü, a n zuʋ̈ˈˈ ˗pʋ ü ˗dhɛ.
«N Dë ˗Zlan, n ˗bindhɛ,
˗bhö ü ˗kɔ kpa n ˗ta!»
N ˗man bhɛɛwo ˗nu bhë, ü ˗an ˗yɔ ˗bɔ,
ˈü n dha,
ˈA go ˈwɔn ˈˈgbɩɩ˗ ˗nu ˈgü!
(˗A ˈKUN ˗KƆ)
N ˗bindhɛ, n Dë Zoova, bhi ˈü mɛn dha,
Ü gbamɛn ˈwo ˗klu ü ˗bha, wo ˈnën ˈü ˗an dha.
˗Yö n ˗dhɛ ˗së kö ˈa ü ˈtɔ bhɔ
n ꞊faan ˈˈplɛ ˈka.
˗Zoyödhe ˈka, a ˗dho ü ˈtɔ bhɔ
˗dhɛ ˈsaadhö ˈgü.
-
3. Ü ˗dho ˗ya dhaŋ˗ ˈgü ˈü ˗gbla,
ˈö ˈyi ü ˗wo man.
Ü ˈyɔɔ˗ ˗nu ˗dho ˈˈgbʋ bɔ,
ü gbamɛn ꞊nii ˗dho ˗da.
ˈPë ü ˗zokunwɔn ˈka
ü ˗dho ˗a kë, ˈö ˈyi dha,
ˈÖ mɛn ꞊gban ˗wa ˗dhɛ yö.
(˗A ˈKUN ˗KƆ)
N ˗bindhɛ, n Dë Zoova, bhi ˈü mɛn dha,
Ü gbamɛn ˈwo ˗klu ü ˗bha, wo ˈnën ˈü ˗an dha.
˗Yö n ˗dhɛ ˗së kö ˈa ü ˈtɔ bhɔ
n ꞊faan ˈˈplɛ ˈka.
˗Zoyödhe ˈka, a ˗dho ü ˈtɔ bhɔ
˗dhɛ ˈsaadhö ˈgü.
(Kpɔɔˈˈ Ps. 18:1, 2; 144:1, 2 ˗bha.)
