JA EPE̱ŃE̱!
2022: Mbu mō̱ mwena mu souse̱ wase—Nje Bibe̱l e makwalano̱ e?
O mbu 2022, bila, longe̱ le die̱, na mbeu a ńolo yena i kweledi bato nde ba tano̱ ba kwalea o mibia ponda ye̱se̱. Bibe̱l buka te̱ nde e mateleye̱ nje ma mambo me̱se̱ ma mapulano̱ kwala.
Beteledi ba mbale̱ ba mambo mena ma bolane̱ o mbu 2022
Mambo ma bolane̱ mbu mu tombi ma mabata bamse̱ ná je nde o ponda ńena Bibe̱l e mabele̱no̱ ná “mińa misukan.” (2 Timoteo 3:1) Ni pambo a ponda e botedi nde o mbu 1914. Maka ne̱ni mambo ma tombi min mińa meno̱ mulatako na nje Bibe̱l e bīse̱no̱ jombwea nin pond’asu:
“Bila.”—Mateo 24:6.
“Mbu 2022 mu ta nde mbu mwena Europa ńe̱nno̱ pe̱te̱ betune̱ ba ngińa bena bila be mawanano̱.” a
Ombwa mulopo m’ekwali “Rusia e mako̱ye̱ Ukre̱n.”
“Njai ninde̱ne̱.”—Mateo 24:7.
“2022: Mbu mwena njai ni si ta nimáje̱ne̱ e tano̱.” b
Ombwa mulopo m’ekwali “La guerre en Ukraine aggrave la crise alimentaire mondiale.”
“Diboa la bobe.”—Lukas 21:11.
“Diboa di makwese̱ bana nje̱mbe̱le̱ (polio) di timbi pe̱te̱, dipe̱pe̱ di belabe̱ na Fre̱nsi ná variole du singe di busi peńa, diboa la korona pe̱ di benga bwa bato. Nik’e malee̱ nate̱na njika dikala maboa ma mape̱ye̱ne̱ meno̱ bobe, na ne̱ni mot’a benama a bo̱bino̱.” c
Ombwa mulopo m’ekwali “Six Millions de morts causées par le Covid.”
“Mambo ma bo̱ngo̱.”—Lukas 21:11.
“Wei ya ngińa, mwanjakolo, wea o beyidi, na mpupe. Bato ba si me̱nde̱ pomane̱ dimbea loe̱ la mbu 2022 ońola bete̱medi bao ba ngińa bena be wan mbeu a ńolo, kwed’a bebwea ba lokoli la bato, na bena be boli ná lodun la bato lo ńe mindi mabu mīla.” d
Ombwa mulopo m’ekwali “Records de température dans le monde.”
“Mpungu.”—Lukas 21:9.
“O mbu 2022, o bekombo bō̱, bato ba te̱m te̱nge̱ne̱ go̱bina ońola bete̱medi ba ndutu b’ekombo, tobotobo ońolana bema be nde bata be̱ die̱.” e
Ombwa mulopo m’ekwali “Inflation galopante.”
Nje e me̱nde̱ tombe̱ mbu mu mabupe̱ e?
To̱ mō̱ ńasu a si bi ná te̱ite̱i ne̱ni mbu 2023 mu me̱nde̱no̱ be̱. Nde nje di bino̱ ye nde ná son a ponda, Janea la Loba di me̱nde̱ po̱ tukwa mambo o wase wan. (Daniel 2:44) Di Janea di me̱nde̱ bo̱le̱ mitakisan ma mbel’a moto, na bola pe̱ ná jemea la Loba di bolane̱ o wase.—Mateo 6:9, 10.
Di mome̱le̱ wa ná o bupe̱ malea ma Yesu Kristo, o benge pe̱ “ja epe̱ńe̱” ná we̱ne̱ ne̱ni bedinge̱ ba Bibe̱l beno̱ londa. (Marko 13:37) Son tilea biso̱ ná o bate jokwa ne̱ni Bibe̱l ńeno̱ ná ńongwane̱ wa tatan, na ne̱ni ńeno̱ ná e bola wa na mbia mo̱ngo̱ dipita la mbale̱ ońola kie̱le̱ ni maye̱.
a AP News, “2022 Was Year the Horror of War Returned to Europe,” by Jill Lawless, 8 ma Elaṅe̱, 2022.
b Programme alimentaire mondial (PAM), “Une faim catastrophiques.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, 22 ma Ńe̱te̱ki 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, 24 ma Maye̱se̱ 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, 8 ma Elaṅe̱ 2022.
We pe̠ ná o to̠ndo̠...
NJONGO A BETATEDI
Loba a mala bo̱le̱ take ńe̱se̱ son a ponda
Ne̱ni jeno̱ ná di bia ná Loba a mala bo̱le̱ take ńe̱se̱ son a ponda e?
ESSENTIAL BIBLE TEACHINGS
Janea la Loba le nde nje e?
O dikalo la Yesu le̱se̱, okwe̱le̱ tobotobo ońola Janea la Loba. Ye etum a ponda, bokwedi bao ba makane̱no̱ ná di Janea di ye.
TEMA IPE̱PE̱
Dipita la mbale̱ ońola kie̱le̱ ni maye̱ ńa bwam
Ońola nje makaki me o Bibe̱l meno̱ diwengisan jita na makaki mena bato ba mabolano̱ e?
