Mme Mbụme Bible Oro Ẹbọrọde
Ndi edi akpanikọ ke Jesus ama anam mme owo ẹset?
Jesus ama anam Lazarus eset ke usen inan̄ ama ekebe tọn̄ọ enye akakpa
Bible ọdọhọ ke Jesus ama anam mme owo ẹset. Enye asiak mme ebiet ye ini emi n̄kpọ emi eketịbede, ntre idịghe ikọ n̄ke ke edi. Ke uwụtn̄kpọ, ke ini ndaeyo isua 31 eyo Jesus, akwa otuowo ẹma ẹsan̄a ye Jesus ẹto Capernaum ẹka Nain. Ke ini mmọ ẹsịmde do, mmọ ẹma ẹkụt akwa udịm owo. Jesus ama anam owo eset do. Enyene se ikpanamde afo enịm mbụk emi. Akpa, mbụk emi esịne ke Bible. Ọyọhọ iba, ediwak owo ẹma ẹkụt ini emi Jesus akanamde owo emi eset.—Kot Luke 7:11-15.
Jesus ama anam Lazarus ufan esie eset ke usen inan̄ ama ekebe tọn̄ọ enye akakpa. Se ikpanamde enịm enye emi n̄ko edi ke ediwak owo ẹma ẹnyụn̄ ẹkụt ini Jesus akanamde Lazarus eset.—Kot John 11:39-45.
Ntak emi Jesus akanamde mme owo ẹset?
Jesus akanam mme owo ẹset sia mbọm mmọ ama anam enye. Enye akanam emi n̄ko ndiwụt ke Ete imọ, emi ọnọde nnyịn uwem, ọnọ imọ odudu ndinam mme owo ẹset.—Kot John 5:21, 28, 29.
Jesus ndikanam mme owo ẹset anam inịm kpukpru se enye ọn̄wọn̄ọde ndinam ke ini iso. Enye ayanam ata ediwak owo ẹset, esịnede mme anam ukwan̄n̄kpọ emi mîkọfiọkke n̄kpọ ndomokiet iban̄a ata Abasi. Ẹyenọ mmọ ifet ndifiọk Jehovah Abasi nnyụn̄ mma enye.—Kot Utom 24:15.
Ekeme Ndidi Ayama Mmọ Emi N̄ko
BIBLE EKEME NDIBỌRỌ MBỤME FO
Nso Idi Ediset ke N̄kpa?
Utọ mbon emi ẹdinamde ẹset ekeme ndikpa fi idem.
JESUS EDI USỤN̄ YE AKPANIKỌ YE UWEM
Jesus Anam Eyen Ebeakpa Eset
Mbon emi ẹkekụtde utịben̄kpọ emi ẹfiọk se emi adade aban̄a.
JESUS EDI USỤN̄ YE AKPANIKỌ YE UWEM
Ẹnam Lazarus Eset
Enyene akpan n̄kpọ iba emi mîyakke mme andibiọn̄ọ Jesus ẹdọhọ ke enye ikanamke utịben̄kpọ emi.
ENYỌN̄-UKPEME
Nso Ikpanam Enịm ke Mme Akpan̄kpa Ẹyeset?
Bible etịn̄ ntak iba emi akpanamde inịm ke mme akpan̄kpa ẹyeset.
