Ena ika9 ni Maji 2023, ni oti toka ga na soqoni ena lomanimacawa e vanavana e dua ena Vale ni Soqoni e Hamburg-Winterhude, e Jamani. Era mavoa kina e levu na tacida, e vica tale ga ratou lauvana mate. Nira curu yani na ovisa e Vale ni Soqoni, e mudu na nona vanavana qai vanai koya tale. E tarai ira vakalevu na tacida e Jamani kei ira e veiyasa i vuravura na nodra veinanumi, loloma kei na nodra veikauaitaki e levu na lewenivanua, vakailesilesi kei na isoqosoqo e veiyasa i vuravura.

• Ka ni rarawa ni ratou mate e le 4 na tacida tagane, e le 2 na tacida yalewa, kei na gone se bera ni sucu

• Mavoa e le 2 na tacida tagane kei na le 7 na tacida yalewa

• Era sa veivakacegui qai veivuke na mata mai na valenivolavola ni tabana e Urope e Loma, kei na rua na ivakatawa ni tabacakacaka

Nida duavata vakamataveitacini meda nanumi ira mada ga ena masu na tacida era vakaleqai ena ituvaki qo. O Jiova ena noda ‘idrodro ena siga ni rarawa,’ ena vukei keda tale ga meda vosota me rawa nida sokalou tiko ga ena galala.—Neumi 1:7.