Vosa Vakaibalebale 4:1-27
4 Moni rogoca na luvequ na ivakavuvuli nei tamamuni,+Moni vakatudaliga moni yalomatua kina,
2 Niu na solia vei kemuni na ivakavuvuli vinaka,Moni kua ni biuta na noqu ivakasala.*+
3 Au gone dina nei tamaqu,+E lomani au vakalevu o tinaqu.+
4 E vakavulici au o tamaqu, e kaya: “Mo tugana mada e lomamu na noqu vosa.+
Mo muria na noqu ivakaro mo bula tiko ga kina.+
5 Mo rawata na vuku, mo rawata na yalomatua.+
Mo kua ni guilecava, mo kua ni gole tani mai na vosa ni gusuqu.
6 Mo kua ni biuta, ena taqomaki iko.
Mo taleitaka, ena karoni iko.
7 E bibi sara na vuku,+ mo rawata gona na vuku,Na ka kece o rawata, mo rawata vata kei na yalomatua.+
8 Mo mareqeta vinaka, ena vakacerecerei iko.+
Ena vakalagilagi iko ni o muria.+
9 Ena biuta e ulumu na isala rairai vinaka,Ena ukutaki iko ena isala totoka.”
10 Mo vakarorogo luvequ, mo muria na noqu vosa,Ena qai balavu na yabaki ni nomu bula.+
11 Au na vakavulici iko ena sala ni vuku,+Au na tuberi iko ena sala ni yalododonu.+
12 Ni o taubale ena sega ni tarovi na nomu ikalawa,Ni o cici o na sega ni tarabe.
13 Mo taura matua na veivakavulici, mo kua ni biuta.+
Mo karona ni o na bula kina.+
14 Mo kua ni lakova na nodra sala na ivalavala ca,Mo kua ni muria na nodra sala na tamata ca.+
15 Mo yawaka, mo kua ni muria,+Mo gole tani mai kina, mo lako sara.+
16 Nira sega ni moce rawa ke ra sega ni caka ca.
Era sega ni moce rawa ke ra sega ni vakatarabetaka e dua.
17 Era kania na madrai ni ca,Era gunuva na waini ni ivalavala kaukaua.
18 Ia na nodra sala na yalododonu e vaka na rarama ni matanisiga
E serau cake tiko na kena rarama me yacova na sigalevu.+
19 Na nodra sala na ivalavala ca e vaka na butobuto,Era sega ni kila na ka era tarabe kina.
20 Na luvequ, mo rogoca na noqu vosa,Rogoca vinaka na* ka au tukuna.
21 Me kua ni yali mai matamu,Mo tugana e vu ni lomamu,+
22 Nira bula kina o ira na kunea+Ena bulabula kina na yagodra* taucoko.
23 Ena ka kece mo qarauna, mo taqomaka na lomamu,+Ni taka mai kina na ivurevure ni bula.
24 Mo biuta tani vei iko na vosa veve,+Mo kauta tani vakayawa na vosa veivakaisini.
25 Me rai vakadodonu i liu na matamu,Io me wanono vakadodonu i liu.+
26 Mo vakatautauvatataka* na vanua o butuka,+Ena vakataudeitaki na nomu sala kece.
27 Mo kua ni gole ina imatau se ina imawi.+
Mo tarova na yavamu mai na ca.
iVakamacala e ra
^ Se “lawa.”
^ Ipe., “Vakatudaliga ina.”
^ Ipe., “lewedra.”
^ Se rawa ni, “vakasamataka vinaka.”
