SA VEILECAYAKI O VURAVURA

3 | Taqomaka Nomu Veiwekani

SARAVA/ROGOCA

NA VUNA?

Na nodra lomaleqataka e levu na veika dredre e tarai vuravura tu, era lai yawaki ira kina na wekadra kei na itokani.

Era sega ni vinakata mera veimaliwai.
Era veiba vakalevu na veiwatini.
Era sega ni kauaitaka na itubutubu na veika era lomaleqataka na luvedra.

Ka Mo Kila

Ena gauna dredre qo, e bibi me tiko noda itokani meda bulabula kina qai mamarau tale ga.
Nomu lomaocaocataka na leqa e tarai vuravura tu, ena rawa ni vakaleqa vakalevu nomu bula vakavuvale.
Rawa nira taqaya na gone ena levu ni nius vakadomobula.

Ka o Rawa ni Cakava

E kaya na iVolatabu: “Na itokani dina e loloma ena veigauna, e tacida ena gauna ni rarawa.”—Vosa Vakaibalebale 17:17.

O ira na itokani nuitaki e rawa nira vukei iko, e yaga tale ga na nodra ivakasala. Na itokani va qori, ena vukei iko mo vosota na ituvaki dredre.

O NA VOSOTA VAKACAVA?—Vakatutu Yaga

Ena gauna veilecayaki qo, taqomaka na nomu veiwekani ni o muria na vakatutu yaga qo

VAQAQACOTAKA NOMU VAKAWATI

Vaqaqacotaka nomu vakawati

E kaya na iVolatabu: “E vinaka na le rua mai na le dua . . . Ke lutu e dua ena vakaduri koya na kena isa.” (Dauvunau 4:9, 10) Na veiwatini e vaka na nodrau cakacaka vata na pailate kei na nona ivukevuke, erau duavata ena nodrau ituvatuva ni vuka. Rau na sega ni vaka e rua na waqavuka ni ivalu rau voleka ni veicoqa.

Kua ni vakalaiva na lomaocaocataki ni bula me ca kina na nomu itovo vei watimu. Ena yaga vakalevu ni o yalorawarawa qai vosovoso.
Tovolea mo drau veivosakitaka vakadua e veimacawa na leqa drau dui sotava. Drau qai saga mo drau walia vata, drau kua ga ni veivakalewai.
Me tiko na gauna mo drau cakava vata kina na ka drau dui taleitaka.
Vakananuma lesu na gauna vinaka drau marautaka vata, me vaka na nomudrau raica lesu na nomudrau itaba ni vakamau, se so tale na gauna guiguilecavi dredre.

“Rau na rairai sega ni duavata na veiwatini ena so na gauna, ia se rawa tiko ga ni rau cakacaka vata me vaka e dua na timi. Qori ni rau vakatulewa vata qai cakava sara na ka rau sa vakatulewataka.”—David.

ME DEI NOMU VEITOKANI

Me dei nomu veitokani

Era dau vukei keda na noda itokani, ia mo vakasamataka tale ga na sala mo vukei ira kina. O na vakayaloqaqataki ni o vukei ira eso tale.
E veisiga, dau tarogi ira nomu itokani se ra vakacava tiko.
Tarogi ira era vosota vakacava na ituvaki dredre o sotava tale tiko ga.

“Se mani dredre vakacava na ituvaki, era rawa ni vukei iko na nomu itokani mo vosota. Era na dusimaki iko mo vakatulewa vinaka, de dua era na vakananuma tale vei iko eso na ka o sa kila rawa tiko. Era kauaitaki iko nomu itokani, era kila tale ga ni o kauaitaki ira.”—Nicole.

TOKONI RATOU NA LUVEMU

Tokoni ratou na luvemu

E kaya na iVolatabu: ‘Mo totolo ni vakarorogo . . . mo berabera ni vosa.’ (Jemesa 1:19) De dua ena dredre vei luvemu me talaucaka na ka e lomaleqataka, se ka e kauai kina. Ia ni o vakarorogo vinaka, ena rawarawa nona tukuna vei iko na ivakarau ni lomana.

Mo cakava eso na ka me rawarawa nona talaucaka na lomana o luvemu. Kena ivakaraitaki, eso na gone e rawarawa nira tukuna na lomadra ena gauna era wele tiko kina, de dua nira vodo motoka tiko se taubale. Ia e dredre mera tukuna na lomadra nira dabe mera veivosakitaka kei na nodra itubutubu.
Qarauna mera kua ni sarava vakalevu na luvemu na nius vakadomobula.
Tukuna vei luvemu na ka o na cakava mo taqomaka nomudou vuvale.
Tuvanaka na ka me caka ena gauna ni leqa tubukoso, qai vakatovotovotaka kei ratou na luvemu.

“Mo dau vosa vei luvemu, solia tale ga na gauna me talaucaka na lomana. De dua ena sega ni via vakaraitaka na ka e leqataka, rerevaka se cudruvaka. Tukuna vua ni o dau vakila tale ga qori, kei na ka o cakava mo vosota kina.”—Bethany.

Rawa ni o Wilika Tale ga

YADRA!

iVakasala me Vinaka Kina Nomu Veimaliwai

Na itovo cava ena rawa nida veiyaloni kina kei ira eso tale?

YADRA!

Sa Veilecayaki o Vuravura—Taqomaka Nomu Veiwekani

vakaViti

Sa Veilecayaki o Vuravura—Taqomaka Nomu Veiwekani

https://cms-imgp.jw-cdn.org/img/p/102022008/univ/art/102022008_univ_sqr_xl.jpg

g22 nb. 1 t. 10-12

Na Website ni iVakadinadina i Jiova

3 | Taqomaka Nomu Veiwekani

NA VUNA?

Ka Mo Kila

Ka o Rawa ni Cakava

Rawa ni o Wilika Tale ga

iVakasala me Vinaka Kina Nomu Veimaliwai

Sa Veilecayaki o Vuravura—Taqomaka Nomu Veiwekani

IWALEWALE NI DOWNLOAD

Sa Veilecayaki o Vuravura—O na Vosota Vakacava?

Sa Veilecayaki o Vuravura—O na Vosota Vakacava?

NA VUNA?

Ka Mo Kila

Ka o Rawa ni Cakava

Rawa ni o Wilika Tale ga

IWALEWALE NI DOWNLOAD

Digia Nomu Vosa

iMeli