Etɛ ka nyí xósin towe?

• Ɛɛn

• Eǒ

• Boya

Nǔ e Biblu ɖɔ é

“Mawu nɔ wà nǔ nyanya gbeɖé ǎ. Nǔbǐwukpétɔ́ ɔ nɔ dóhwɛ agɔ gbeɖé ǎ.” (Jɔbu 34:10) Mawu wɛ nɔ zɔ́n nǔ nyanya kpo wuvɛ̌ mimɔ kpo e tíìn ɖò gbɛ̀ ɔ mɛ lɛ é gbeɖé ǎ.

Nǔ ɖevo tɛ Biblu ka sixu kplɔ́n mǐ?

• Satáan Awovi, “axɔsu gbɛ̀ elɔ tɔn” ɔ wɛ nyí mɛ taji e nɔ zɔ́n wuvɛ̌ mimɔ lɛ é.​—Jaan 14:30.

• Wuvɛ̌ mimɔ lɛ kpo nǔ nyanya lɛ kpo nɔ lɛ́ sín gbeta nyanya e kɔn gbɛtɔ́ lɛ nɔ wá é wu hwɛhwɛ.​—Jaki 1:14, 15.

Mɛɖé lɛ lin ɖɔ enyi gbɛtɔ́ lɛ ɖó gbè kpɔ́ ɔ, ye sixu sú kún dó nú wuvɛ̌ mimɔ, é ɖò mɔ̌ có, mɛ ɖevo lɛ nɔ mɔ ɖɔ nukúnɖiɖo kaka ɖé kún sɔ́ ɖè ɖɔ ninɔmɛ gbɛ̀ ɔ tɔn na ɖyɔ dó ɖagbe jí bǐ mlɛ́mlɛ́ ó. Etɛ a ka lin?

Nǔ e Biblu ɖɔ é

Mawu na ɖè wuvɛ̌ mimɔ síìn. “Kú sɔ́ na tíìn ǎ, aluwɛ sɔ́ na tíìn ǎ, alěnina sɔ́ na tíìn ǎ, wuvɛ̌ mimɔ sɔ́ na tíìn ǎ.”​—Nǔɖexlɛ́mɛ 21:3, 4.

Nǔ ɖevo tɛ Biblu ka sixu kplɔ́n mǐ?

• Mawu na zán Jezu dó jla wuvɛ̌ mimɔ ɖěɖee Awovi zɔ́n lɛ é ɖó.​—1 Jaan 3:8.

• Mɛ ɖagbe lɛ na nɔ ayikúngban jí ɖò fífá mɛ kaka sɔyi.​—Ðɛhan 37:9-11, 29.