AKO 4
Ko Ai Sesu Kilisito?
1. Na kamata fefe’aki le ma’uli o Sesu?
Ko ā a kalitate o Sesu na fia ’ano ai le kakai kiate ia?—MATEO 11:29; MALEKO 10:13-16.
Na le’aise tatau mo le tagata, ko Sesu na ma’uli i selo i lona uiga laumālie i mu’a o lana tupu i le kele. (Soane 8:23) Ko le ’uluaki fakatupu aia a le ’Atua, na kau mo ia i le fakatupu o ne’a fuli. Ko ia tokatasi na fakatupu e Seova, ko ia leia e igoa ai ko “le Alo tokatasi fa’i.” (Soane 1:14, 18) I lona uiga Fakasoko Pati a le Atua e igoa ai ko “le Folafola.” Lau ia Māsau Fakatā 8:22, 23, 30; Kolose 1:15, 16.
2. Koleā na ’au ai Sesu ki le kele?
Na aga le ’Atua o kakau mai lona Alo ki le kele o soli lona ma’uli mei le lagi ki le manava o le ta’ine taupo’ou sutea na igoa ko Malia. Na le’ai sona tamana tagata. (Luka 1:30-35) Na ’au loa a Sesu ki le kele (1) o ako’i le mā’oki o uiga mo le ’Atua (2) mo fakasā le faifaitaki o le fai o le finegalo o le ’Atua tatau mo temi faigata’a, ti (3) mo soli lona ma’uli saosaoa ko le totogi. Lau ia Mateo 20:28.
3. Koleā e aoga ai kia tātou se totogi?
E aoga se totogi ke saofaki se tasi mei le mate. (Esote 21:29, 30) Ko le mate mo le matu’a e se kau ki le ’uluaki fakatu’utu’u a le ’Atua o uiga mo le tagata. Fefe’aki latātou aga o iloa? Na pati le ’Atua ki le ’uluaki tagata ko Atama, kapau e se ke fakalogo tie ke mate loa. Ka na le’aise ’agasala Atama, na le’aise mate a ia. (Senesi 2:16, 17; 5:5) I le Tosi-Tapu, na ulu le mate ki le mālamanei kātoa o tupu ko Atama. Koia na tuku solo ai ki ta’utupu le ’agasala mo lona tu’a ko le mate. E aoga ki tātou se totogi ke tou lau’ātea ai mei le mate na tuku solo meia Atama. Lau ia Loma 5:12; 6:23.
Ko ai e mafai ke totogi ’ia tātou ke tou lau’ātea mei le mate? E le’aise mafai ki se tagata ’agasala ke totogi ’ia a ’agasala ma ni’iki. Talie ka tou mate ko le totogi aia o latātou ’agasala. Lau ia Pesalemo 49:7-9.
4. Koleā na mate ai Sesu?
O kesekese mo tātou, ko Sesu e saosaoa. E se uiga mo lona mate talie e le’aise ’agasala a ia. Ko atātou ’agasala na tupu ai loa lona mate. Na kakau mai lona Alo ke mate ma tātou, ke fakasā ai e le ’Atua lona alofa lasi ki le tagata. Ko Sesu foki na alofa ki tātou i lana fakalogo ki lona tamana na soli lona ma’uli ki atātou ’agasala. Lau ia Soane 3:16; Loma 5:18, 19.
Kotou tio’i a le ’ata viteo Koleā Le Tupu’aga o Le Mate o Sesu?
5. Koleā e fai e Sesu i aso anei?
I lana nofo i le kele, ko Sesu na fakamalolo ’ia a masaki, na fakatu’u e ia a mate, mo fakafimālie’i lātou e mamae. Na fakasā e ia a ne’a ka fakasoko ki le kakai fakalogo i le ka ’au. (Mateo 15:30, 31; Soane 5:28) I le ’oki o lona mate, na toe soli e le ’Atua lona ma’uli, ko se laumālie. (1 Petelo 3:18) Tie talitali a Sesu i le fētu’u ’atamai o Seova o kaku ki le soli kiate ia le makeke fakasau ki le takitaki o le kele kātoa. (Epeleo 10:12, 13) I aso nei, e agai i le lagi ti ko le logo mālie lenā e fakamafola e ana tisipulo i le mālamanei kātoa. Lau ia Taniela 7:13, 14; Mateo 24:14.
Kua vave le faka’aoga’i e Sesu lona makeke fakasau mo puli’i o mamae, mo lātou alā na fakatupu ’ia. Ko lātou fuli alā e fakasā ’ia lalātou fakalogo kiate ia e lotou ma’uli i le palatiso i le kele. Lau ia Pesalemo 37:9-11.
