E nder duuɓi heewuɗi, Deftere Allah nden no winndaa e sennditaa e sifaaji buy. Kono, men annditi waylugol ngol wallay yimɓe ɓen no ɓe janngira, “ ɓe ara e andugol goonga on ”, ko woni faale Allah on fii mo kala (1 Timotee 2:3, 4). Ko ɗun waɗi, gila 1950 men fuɗɗi waylude Deftere Allah nden e nder haala angele ko mettaa faamude inneteende Traduction du monde nouveau e haala faransi. Hannde, Deftere Allah nden no waylaa no haaniri non tigi e haalaaji ɓuriɗi 130.

Deftere nde mettaa faamude. Deftere Allah nden no waylaa e haalaaji buy. Goɗɗi e majji no metti faamude. Kono binndi arani ɗin ko haqiiqa e hiɗi ɓuri hiɓaade e Deftere Allah nden. Ɗi walluno jamaa on no ɓe faamira Tawreeta on, Zabuura on e Injiila on.

Ko waylaa kon ko haqiiqa. Wayluɓe Deftere Allah nden ko sella-findeeɓe. Ko ɗun waɗi ko binndi arani ɗin ɓe wayli. Kono woɓɓe goo, waylunooɓe Deftere Allah nden, ɓuruɓe e maɓɓe montuno innde Allah nden, Yahuwah ka nder Deftere makko.

Deftere teddinnde Allah. (2 Samu’iila 23:2, TMN.) E nder koo ko waylaa kesun, Traduction du monde nouveau, innde Yahuwah nden no wattaa ka wonunoo ɗon ko yahata 7 000 wano no holliraa non e oo pirinti wonɗo ley (Zabuura 83:18, TMN). Ko ɓe janngi kon e nder duuɓi hewuuɗi, waɗi ko ɓe wayli kon ko haqiiqa e no weli faamude. Si hiɗon mari maa on maraa koo ko waylaa kesun, hiɗon haani janngude daaluyee Yahuwah on ɲannde woo ɲannde. — Yaasuwa 1:8, TMN ; Zabuura 1:2, 3, TMN.

• Fii honɗun Deftere Allah nden no haananoo wayleede ?

• Honɗun wallata en anndugol faale Allah on ?