“Mɛi Ni He Jɔ Lɛ, Shikpɔŋ Lɛ Baatsɔ Amɛnɔ”
Wɔteŋ mɛi pii ena ni atsɔ jalɛ sane hiɛ abu shi, ni wɔna hu ni mɛi fɔji miiwa gbɔmɛi kpakpai ni efeko nɔ ko lɛ ayi. Ani be ko baashɛ ni jalɛ sane ni ayeee kɛ efɔŋfeemɔ ehiŋ shi dɔŋŋ?
Lala 37 ni yɔɔ Biblia lɛ mli lɛ hãa wɔ hetoo, ni ekɛ gbɛtsɔɔmɔi ni baaye abua wɔ amrɔ nɛɛ hu hãa wɔ. Kwɛmɔ bɔ ni ehãa sanebimɔi ni he hiaa nɛɛ ahetoo.
Te esa akɛ wɔfee wɔnii wɔhã tɛŋŋ yɛ mɛi ni waa wɔ yi lɛ ahe?—Kuku 1, 2.
Mɛni baaba mɛi fɔji anɔ?—Kuku 10.
Wɔsɛɛ lɛ, te mɛi ni feɔ nɔ ni ja lɛ ashihilɛ baafee tɛŋŋ?—Kuku 11, 29.
Mɛni esa akɛ wɔfee amrɔ nɛɛ?—Kuku 34.
Wiemɔi ni Nyɔŋmɔ hã aŋma yɛ Lala 37 lɛ hãa wɔnaa akɛ, mɛi ni ‘kɛ amɛhiɛ fɔ̃ɔ Yehowa nɔ, ni amɛnyiɛɔ egbɛ lɛ nɔ’ lɛ baaná shihilɛ kpakpa wɔsɛɛ. Yehowa Odasefoi baaná he miishɛɛ akɛ amɛbaaye amɛbua bo kɛkase Biblia lɛ koni ole nɔ ni obaanyɛ ofee ni bo kɛ mɛi ni osumɔɔ amɛsane lɛ aná shihilɛ kpakpa nɛɛ.
Ekolɛ Obaasumɔ Enɛ Hu
WƆHE SAJI
Mɛni Hewɔ Esa Akɛ Okase Biblia Lɛ?
Biblia lɛ miiye eebua mɛi akpekpei abɔ yɛ jeŋ fɛɛ koni amɛná shihilɛ mli sanebimɔi ni he hiaa lɛ ahetoo. Ani obaasumɔ ni oná sanebimɔi nɛɛ ahetoo?
BUU-MƆƆ
Nɔ ni Nyɔŋmɔ Baafee yɛ Efɔŋfeemɔ He
Ani onya susumɔ akɛ, abaahi shi yɛ jeŋ ko mli, ni nibii fɔji baŋ mɛi kpakpai anɔ dɔŋŋ lɛ he?
SANEBIMƆI NI BIBLIA LƐ EHÃ HETOO
