Arom ni kona ni kakabwaiaaki n reirei man te Baibara aikai
Rinanon moa aei, ao imwina kaota te TAAMNEI.
MOAN ITERA
Ibukin am katauraoi imwain am reirei, wareka te moan itera. Titiraki aika turu (A) ao kiibu (B) aika kabwarabwarai baika kakawaki. Ko kona n nori kiibu tabeua aika mwakoro i rarikia “wareka.”
KAUOUA N ITERA
Te moani kibuntaeka (C) are i aan Reiakina ae Bati Riki e kaotii baika a na rinanoaki. Atuu n reirei (D) a kabwarabwarai n te aro ae kimototo baika a na rinanoaki. Wareki kiibu, kaekai titiraki, ao mataku n taian taamnei ma am tia reirei.
A kairiko TAAMNEI ake n te bwaoki nakon taamnei aika ibuobuoki ma te reirei. Tabeua taamnei mai iai bon rongorongo aika koaua. Ao ake tabeua boni kaotioti aika karaoaki aika kaoti baika kona n riki.
Iaiangoi taiani koro taamnei ao kabwarabwaraaia (E), ao iangoa am kaeka nakon te itera are A Taku Tabeman (F).
TE KABANEA N ITERA
Kakimototoana ao Kauring (G) e a motikaki ao ni kauringaki iai kanoan te reirei. Korea te bong are e bane iai te reirei. Kataia (H) e kaotaki iai te bwai ae ko kona ni mwakuria. Nori Naba Aikai (I) e kaotii baika ko kona naba ni wareki ke n taamnei iai.
Kanoana
|
|
|
|
Aroni kakaaeani kiibu n te Baibara
Iai n te Baibara booki aika uarereke aika 66 mwaitiia. E bwenauaaki nakon itera aika uoua: te Koroboki ae Tabu n te taetae n Ebera-Aramwaike (“Te O Tetemanti”) ao te Koroboki ae Tabu n te Taetae ni Kuriiti (“Te Nu Tetemanti”).
Ngkana iai te kibu ae kaotaki n te boki aei, e kaotaki moa arani bokin te Baibara (A), imwina te mwakoro (B), ao te kibu ke taiani kibu (C).
N te katoto, Ioane 17:3 nanona te boki ae Ioane, mwakorona 17, te kibu 3.
Ko Bae Naba n Tangira
TITIRAKI AIKA TATABEKAKI
Tera te Reirei n te Baibara?
Karekei kaekaan titiraki ni kaineti ma kairan te reirei n te Baibara iroura.
