SỌ́L EA GÃ́BUG DÚ 68
Foi Ból Súú Boǹ Méné
(Máátìù 13:4-8)
-
1. Teelá dù gé zìgà kól Jíízọ̀s!
Nè lóó gè sí tóm nè Bàrì.
Jíízọ̀s gé nveè bá vaá tulè-i;
Gbĩimá gbò nen má bẹẹ Bàrì.
Kà kà e bà dã́ é bã́ mm̀ ba nyíe
Vaá nyaaná ba dùm naamá lé.
Beè vó, ó gá ọọ, tãa vó, tú kpóó siimá
Bé ò í-é zààvà ló o tóm.
-
2. Á gá tání nyíe kọọ̀ o sì tóm
É dú lé be ò sí leevè.
Kẽ̀è-a boo ge nvèè bá nè gbò nen;
Gbò e olo beè noòmà nu,
Kọbé bà émá tã̀àgã̀ nè ẹ̀bmà,
Vaá teelá teè dùm-í kilsĩ́.
Nyíé ni gé ẹ́ẹ zọọgá tṍó e o nveè bá
Tìb ba zìgà boo èèlè dùm-í.
(Ẹ̀b nàgé Máát. 13:19-23; 22:37.)