SỌ́L EA GÃ́BUG DÚ 74
Zọ̀i Ọlí Sọ́l Boǹ Ménéá!
(Psalm 98:1)
-
1. È túù zààvà ọlmá sọ́l nè Jìhóvà;
Sọ́l béè èl bá, kọ Bàrì bọọ èl boo.
À dú bẹẹ bíi gè kolí dõona gbò nen
Bé è gbáá ló dàlà béè Bàrì boo.
(GE KŨUNE MON ZÌGÀ)
Jíízọ̀s a bẹl, vaá dú Méné.
È kọ́ọ̀ zaali, nè dénè nen!
Sọ́l Boǹ Méné-í nveè ka ló Jìhóvà;
Kọ́ A pọ̀b kpãa inmá dénè ketõ̀ò.
-
2. Bàrì beè sà dõona gbò bií ló Jíízọ̀s.
À né va kpóó gè zọ̀ Kráìst Jíízọ̀s bẹ̀l.
Baala nagé, ọ́lí sọ́l kãagẽ Jíízọ̀s
Vaá zààva ló bẹ̀l Boǹ Méné Bàrì.
(GE KŨUNE MON ZÌGÀ)
Jíízọ̀s a bẹl, vaá dú Méné.
È kọ́ọ̀ zaali, nè dénè nen!
Sọ́l Boǹ Méné-í nveè ka ló Jìhóvà;
Kọ́ A pọ̀b kpãa inmá dénè ketõ̀ò.
-
3. Mm̀ dénè dó, è bṍònè ló kà gã́bug
Gbò nen e bà gbĩ́ gè dì nè Bàrì.
Beléè tóm-í bĩ́íná dùm kìlmà lóó kẽ,
Gè láá bã ló gbò nen, dã́ ba bùlà.
(GE KŨUNE MON ZÌGÀ)
Jíízọ̀s a bẹl, vaá dú Méné.
È kọ́ọ̀ zaali, nè dénè nen!
Sọ́l Boǹ Méné-í nveè ka ló Jìhóvà;
Kọ́ A pọ̀b kpãa inmá dénè ketõ̀ò.
(Ẹ̀b nàgé Ps. 95:6; 1 Pít. 2:9, 10; Kùùà. 12:10.)
