Os xardineiros descargan carballos e pradairos. En total, plantaranse máis de 1400 árbores no complexo de Warwick.

Os traballadores de Warwick conmemoran a Cea do Señor, un evento que as Testemuñas de Xehová celebran cada ano por todo o mundo. Neste local, a asistencia foi de 384 persoas.

Os carpinteiros instalan as ventás da garita da entrada. O persoal da garita recibirá os visitantes, encargarase da seguridade do recinto e controlará a entrada e saída de vehículos.

Un pai e o seu fillo colocan as pezas de moqueta nun corredor da segunda planta. Este tipo de moqueta usouse moito en zonas comúns porque é máis fácil de cambiar cando se estraga.

Os carpinteiros instalan divisións desmontables nas oficinas. Estas divisións permiten reorganizar o espazo das oficinas segundo as necesidades.

Un voluntario realiza traballos previos á instalación dos sanitarios e as divisións dos aseos destinados ó público. Estes aseos están situados na zona do vestíbulo.

O Equipo de Emerxencias disponse a extinguir un lume durante un simulacro. Esta formación prepáraos para atender con rapidez as incidencias, protexendo así o persoal e as instalacións de Warwick. Ademais redúcese a carga de traballo do servizo local de emerxencias.

Un camareiro indícalle o seu sitio ós traballadores de Warwick no comedor principal xusto antes de que comece a retransmisión da Adoración Matinal.

Un carpinteiro usa un nivel láser para colocar un dos máis de 2500 sinais que darán indicacións ós residentes e visitantes.

Unha soldadora instala o pasamáns nunha escaleira que vai dende a entrada ó auditorio. A manta resistente ó lume da parte inferior da imaxe protexe de danos o que hai arredor.

Un voluntario do Departamento de Paredes e Teitos traballa nos acabados da parede onde irá instalada unha das tres exposicións para os visitantes, “Unha historia de fe en acción”. O deseño das exposicións destaca o tema de cada galería.

Os traballadores preparan o formigón do piso para a súa consolidación. Este proceso sela o formigón, facilita o seu mantemento, aumenta a súa duración e faino resistente ó po e ás marcas de pneumáticos.

Un grupo de carpinteiros instala unha cuberta de fibra de vidro na entrada do vestíbulo. Os paneis translúcidos deixan pasar unha luz tenue cara á entrada principal.

Un home maila súa muller poñen lousas de granito na entrada da exposición “A Biblia e o nome divino”.

Unha carpinteira coloca unha das 1018 butacas do auditorio principal. Neste auditorio os voluntarios que residen en Warwick, membros da familia Betel, asistirán ó Estudo en Familia de La Atalaya e a outras actividades e reunións.

Varios traballadores colocan un letreiro luminoso no vestíbulo principal para darlles a benvida ós visitantes.

Dúas traballadoras do Equipo de Apoio lévanlles auga ós traballadores do vestíbulo principal. Recordábaselles ós equipos de construción que se mantivesen hidratados, sobre todo nos días de calor.

Un carpinteiro instala as vitrinas onde se colocarán algunhas Biblias únicas para a exposición “A Biblia e o nome divino”. Esta exposición irase renovando para incluír outras Biblias e obxectos relacionados coa Biblia.

Coa axuda dunha heliografía proxectada na parede, un carpinteiro instala unhas pezas coa forma de Australia e das illas do sueste de Asia nun mapa do vestíbulo principal. O nome Testemuñas de Xehová está escrito na parede en case setecentos idiomas.

Membros da familia Betel asisten a unha sesión de orientación. Estas sesións teñen o obxectivo de dar a benvida e orientar os futuros residentes de Warwick. Tamén os advirten dos perigos que aínda hai no complexo. Tamén os informan das medidas de seguridade que deben ter en conta mentres non estea rematado o complexo.

Un operario colga a lámpada que vai situada enriba da mesa do presentador e a estrutura que a soporta. A maior parte dos compoñentes do estudio trasladáronse dende o anterior estudio de Brooklyn.

Un electricista instala o novo letreiro con luces LED da entrada principal. Para o 1 de setembro, moitos departamentos da sede central xa comezaran a traballar dende Warwick.