Nunouteʼereerü chi Maleiwakai tü kasa nnojotkalü anain atuma wayuu suluʼu shikii
Nümülialüin waaʼin chi Maleiwakai sükajee tü Bibliakat jee nüküjain wamüin waneirua kasa waaʼinrajatka nnojoliire anain waya suluʼu wekii.
Süküjainña tü Bibliakat najaʼttirüinjatüin Maleiwa süpüshuaʼa tü makalü atuma saaʼin wayuu.
Najaʼttirapa tia chi Maleiwakai, nnojoleerü sotuin waaʼin piantua tü kasa mojusü alatapuʼukat wamüin jee tü kasa shapaapuʼukalü atuma waaʼin (Isaías 65:17).
Pütüjaweere saaʼu tü naaʼinrajatkat Maleiwa süpüla najaʼttirüin tia, nakaalinjeechi pia na aküjaliikana pütchi nüchiki Jehová süpüla pütüjaain saaʼu tia.
Eesüjaʼa kamalainjeerüle pümüin aashajeʼeraa tüü
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Kasa waaʼinrajatka süpüla aleewain waya nümaa Maleiwa?
Kakaliairü maʼin nachajaain sukuwaʼipa na wayuukana neʼraajüinjachin Maleiwa. Eeshii süpüla aleewain waya nümaa Maleiwa sükajee tü Bibliakat. Tü waaʼinrüinjatkat palajana süpüla aleewain waya nümaa Maleiwa shia weʼrajüinjatüin tü nünüliakat.
WACHIKI
Puchunta puwaraijaanüin aaʼu
Pikirajaa wanee pütchi sümaka tü Bibliakat jee shiale piʼraajüin nakuwaʼipa na aküjaliikana pütchi nüchiki Jehová.
